ТҮРКІ МЕМЛЕКЕТТЕРІ ҰЙЫМЫНЫҢ ЕЛДЕРІНДЕГІ БӘСЕКЕЛЕСТІКТІ ҚОРҒАУ ОРГАНДАРЫНЫҢ БАСШЫЛАРЫ БӘСЕКЕЛЕСТІК КЕҢЕСІНІҢ КЕЗЕКТІ ОТЫРЫСЫН ӨТКІЗДІ

Будапештте түркі мемлекеттері ұйымы елдерінің монополияға қарсы органдары басшыларының 2-ші кездесуі өтті. Аталған кездесуде Қазақстан Республикасы Бәсекелестікті қорғау және дамыту агенттігі төрағасының орынбасары Болат Сәмбетовтың басшылығымен делегация өкілдік етті.

Кездесуге қатысушылар бәсекелестік ведомстволардың қызметі бойынша ағымдағы мәселелерді талқылап, ынтымақтастықтың негізгі бағыттарын белгіледі. Олардың ішінде - бәсекелестік саласында секторлық баяндамалар дайындау, бәсекелестік нарықтарына бірлескен талдау жүргізу, білім беру бағдарламаларын ұйымдастыру және тиісті интернет-ресурстарда жариялау және т. б.

Болат Сәмбетов Агенттіктің соңғы бастамаларын таныстырып, қазақстандық монополияға қарсы орган қызметінің басым бағыттарының бірі - экономикаға мемлекеттің қатысуын қысқартуға егжей-тегжейлі тоқталды.

Сондай-ақ, кездесуге қатысушылар заманауи тенденциялар мен жасанды интеллектті енгізуді ескере отырып, бәсекелестік саясатты қайта қарау, картельдік келісімдерді анықтаудың тиімді тетіктері сияқты өзекті мәселелерді қозғады.

Отырыс шеңберінде ТМҰ монополияға қарсы ведомстволары басшыларының 2-ші кездесуінің Коммюникесіне қол қойылды, онда бәсекелестікті сақтау, өңірлік ынтымақтастықты дамыту үшін қолайлы жағдайлар жасау және ТМҰ-ға мүше мемлекеттерде бәсекелестік мәдениетін дамыту бойынша бірлескен ынтымақтастық үшін негізгі бағыттар белгіленді.

• 20.05.2025
• 11