С. Жақыпова мектеп оқушыларының жазғы каникул уақытында жұмыспен қамтылуын ұйымдастыру туралы ақпарат берді

Үкімет отырысында ҚР Еңбек және халықты әлеуметтік қорғау министрі Светлана Жақыпова мектеп оқушыларының жазғы демалыс уақытында ақша табу мүмкіндігін қамтамасыз етуге, олардың еңбек және жеке дауына жағдай жасауға бағытталған еңбекпен қамтуды ұйымдастыру бойынша кешенді шаралар туралы айтты.

Еңбек министрлігі басшысының айтуынша, заңға сәйкес жұмыс істеуге рұқсат етілген 14 пен 18 жас аралығындағы мектеп оқушыларының саны 1 млн 488,6 мың адамды құрайды, оның ішінде 26,5 мың мүмкіндігі шектеулі оқушылар. Сонымен қатар, ең көп сан оңтүстік макроөңірде – Түркістан (204,9 мың), Алматы (136,1 мың), Жамбыл (102,3 мың) облыстарында және Алматы қаласында (124,7 мың) тіркелді.

«Ақпараттық жүйелердің мәліметі бойынша, қазіргі таңда мектеп жасындағы 24,3 мың бала жұмыспен қамтылған. Ең көп сауда саласында (5,3 мың), тұру және тамақтану (3,6 мың) қызметтерінде жұмыс істейді.

Алдағы каникул кезеңінде студенттерді жұмыспен қамтуды қамтамасыз ету үшін келесі іс-шаралар ұсынылады: Электрондық еңбек биржасы арқылы лайықты бос жұмыс орындарын таңдау, онлайн оқыту, қоғамдық жұмыстарды ұйымдастыру және кәсіптік бағдар беру», – деді Светлана Жақыпова.

Электрондық еңбек биржасында (enbek.kz) арнайы «Менің жазғы демалысым» бөлімі құрылды, ол 14 жастан бастап білім алушыларға (мектеп оқушылары мен студенттер) платформаға тіркелуге, жеке кабинетін құруға, түйіндеме жариялауға және қолайлы бос жұмыс орындарын өз бетінше іздеуге мүмкіндік береді. 16 жасқа дейінгі білім алушылар үшін тіркеуді және жеке кабинетті құруды заңды өкілдер (ата-аналар, қамқоршылар) жүзеге асырады.

Сонымен қатар, Skills.Enbek онлайн оқыту платформасы студенттерге жаңа дағдыларды алуға немесе бұрыннан бар қабілеттерін жетілдіруге мүмкіндік беретін түрлі салалардағы тегін және ақылы курстардың кең ауқымын ұсынады. Бүгінгі таңда платформада 1 294 курс бар, оның 322-сі тегін, ал 67 курс мүмкіндігі шектеулі жандарға бейімделген.

«Жергілікті атқарушы органдардың жалпы білім беретін мектептердің жоғары сынып оқушыларына жазғы демалыс кезінде қоғамдық пайдалы жұмыстарын ұйымдастыру тәжірибесі жалғасады.

Мектеп оқушыларына арналған қоғамдық пайдалы еңбектің ерекшеліктері: толық емес жұмыс күні немесе икемді кесте бойынша жұмысты ұйымдастыру мүмкіндігі; аймақ үшін экономикалық, әлеуметтік және экологиялық пайда; арнайы білімі жоқ адамдарға уақытша жұмысқа орналасу мүмкіндігі. Айлық жалақысы 24 АЕК-тен кем емес (2025 ж. – 94 368 теңге), – деп қосты Светлана Жақыпова.

Сәйкес мансап жолын таңдауға көмектесу үшін «Мансап компасы» платформасы жұмыс істейді, ол мансаптық бағдарлау тестілері арқылы мансаптық қызығушылықтарды анықтауға, сұранысқа ие мамандықтар туралы ақпарат алуға, оқу орнын таңдауға және т.б. көмектеседі.

«Біз алдымызға бос жұмыс орындарына тең қолжетімділікті қамтамасыз ету, соның ішінде мектеп оқушыларына жұмысты басқа жазғы іс-шаралармен біріктіруге мүмкіндік беретін икемді еңбек жағдайларын жасау міндетін қойдық,», – деп түйіндеді министр.

• 23.05.2025
• 21