Қаржылық мониторинг агенттігі жаңа цифрлық көмекші AI-DOS-ты ұсынады

Қазақстан Республикасының Қаржылық мониторинг агенттігі ерекше цифрлық жобаны іске қосады — 3D-моделдеу және жасанды интеллект технологияларын қолдана отырып жасалған ресми өкілдің аватары.

Цифрлық көмекшіні енгізудің мақсаты — агенттіктің ашықтығын арттыру, халықпен байланыс арналарының санын көбейту және қаржылық құқық бұзушылықтардың алдын алу жөніндегі ақпараттық түсіндіру жұмыстарын автоматтандыру.

Автоматтандырылған цифрлық көмекші агенттіктің ресми әлеуметтік желідегі беттерінде тұрақты түрде көрініс табады. Ол қаржылық қауіпсіздік, құқық бұзушылықтарды болдырмау, алаяқтықтан қорғау жолдары және басқа да маңызды тақырыптар бойынша жылдам әрі түсінікті ақпарат береді.

• 05.06.2025
• 8