«Қазақтелеком» АҚ басқарма төрағасымен кездесу өтті.

         Кездесу барысында қалада жүзеге асырылған өзекті цифрлық жобалар талқыланды. Атап айтқанда, 5G желісін дамыту аясында 95 базалық станцияға ұялы байланыс арналары тартылды. Сонымен қатар, B2B және B2G бағыттарында 31 клиентке, оның ішінде 7 мектеп пен 24 мемлекеттік мекемеге талшықты-оптикалық байланыс желісі жүргізіліп, жалпы көлемі 551 млн теңгені құрайтын инвестиция салынды.

Ағымдағы жылы 3 051 абонентті мыс желісінен кең жолақты интернетке көшіру жоспарланып отыр. Бұдан бөлек, қосымша 10 680 тұрғынды жоғары жылдамдықты интернетпен қамтамасыз ету көзделуде. Бұл мақсатта компания тарапынан арнайы бағаналар орнатылып, интернет желісі әуе арқылы жеткізілетін болады.

Қаланың цифрландыру саласына серпін беретін жобалардың бірі ретінде «Қазақтелеком» АҚ Орталық Азиядағы алғашқы коммерциялық  GPU-деректер орталығын іске қосты. Бұл орталықта әлемнің ең қуатты жүйелерінің ТОП-100 тізіміне енген суперкомпьютер орнатылған. Аталған стратегиялық нысан Қазақстандағы ІТ-кластерді дамытуға арналған маңызды инфрақұрылым болып табылады.

• 30.06.2025
• 29