ШЫМКЕНТТЕ ӨМІРЛІК ҚИЫН ЖАҒДАЙДА ЖҮРГЕН ОТБАСЫЛАРҒА АРНАЛҒАН ҮЙ САЛЫНАДЫ

Менің бастамаммен шаһарда «Халық берекесі» жобасы жүзеге асырылады. Жоба аясында өмірлік қиын жағдайда жүрген отбасылар үшін уақытша тұруға көпқабатты үй салу жоспарланып отыр. 

Игі бастама аясында қиын жағдай тап болған отбасылар 3 жыл бойы тегін үйді уақытша мекен етеді. Бұл уақыт аралығында отбасыларға әлеуметтік қолдау көрсетіліп, бүлдіршіндер бала-бақшамен қамтылады. Мектеп жасындағы балалар қосымша курстармен қамтылып, арнайы мамандардың қызметімен жәрдемақыларды рәсімдеу мен жұмыспен қамту шаралары қарастырылған. 

Бұл жоба  «Халық» қайырымдылық қорымен бірлесе жүзеге асырылады. Қазіргі таңда тұрғын үйді салуға ыңғайлы жер қарастырылып отыр.

• 10.03.2021
• 206