Қала әкімі ауқымды инвестициялық жоба жүзеге асыруға қызығушылық танытып отырған «Tianjin Youfa Steel Pipe Group Co. Ltd.» компаниясының өкілдерімен кездесті

Инвесторлар қалада әртүрлі диаметрдегі түзу жіксіз болат құбырларын шығаратын зауыт салуды жоспарлап отыр. Жоба аясында жылына 200 мың тонна өнім өндіру көзделуде. Шамамен 170 жаңа жұмыс орны ашылады.

Компания бүгінде 290 өндірістік желіге ие және жылына шамамен 300 мың тонна өнімді Еуропа, Оңтүстік және Солтүстік Америка, Таяу Шығыс, Азия мен Африка елдерін қоса алғанда, 100-ден астам елге экспорттайды.

Кездесу барысында инвестициялық жобаны жүзеге асыруда қолдау көрсетуге және шетелдік серіктестерге жан-жақты көмектесуге дайын екендігін жеткізді. Мұндай бастамалар қаланың индустриялық дамуына, жаңа технологияларды енгізуге және қосымша жұмыс орындарын ашуға мүмкіндік береді.

• 04.08.2025
• 34