Бақыт Сұлтанов ӘМАТ бағаларын тұрақтандыру бойынша арнайы шаралар туралы айтты

Сауда және интеграция министрі Бақыт Сұлтанов бағаларды тұрақтандыру мақсатында Сауда және интеграция министрлігі Ауыл шаруашылығы министрлігі мен Бәсекелестікті қорғау және дамыту агенттігімен бірлесіп, әлеуметтік маңызы бар азық-түлік тауарларының бағаларын тұрақтандыру бойынша Жол картасын әзірлегені туралы Үкімет отырысында хабарлады.

Жол картасы наурыз айынан бастап іске асырылатын 44 нақты іс-шарадан тұрады.  

Сауда және интеграция министрінің айтуынша, Үкіметтің негізгі міндеті халықтың әл-ауқатын қолдау және азық-түлік тауарларының қолжетімділігі болып табылады.

"Бүгінгі таңда нарықтық қатынастар бар, онда бағалар сұраныс пен ұсыныс арқылы нарықпен реттеледі. Алайда, азық-түлік өнімдерінің негізгі түрлерінің өсуіне жол бермеу бойынша өзекті мәселе бұрынғысынша өткір күйінде қалып отыр. Осыған байланысты, Сауда министрлігі мен бірқатар орталық мемлекеттік органдар барлық салдарларды әкімшілік тетіктермен теңестіруге мәжбүр. Ол үшін мемлекет тарапынан бақылауды жүзеге асыру қажет", - деді ведомство басшысы. 

Жол картасы мынадай іс-шараларды қамтиды: тексерулер мен комплаенс, сауда шаралары, өндірісті ұлғайту және кәсіпорындарды қолдау, сондай-ақ заңнамалық өзгерістер.Жол картасын іске асыру орта мерзімді перспективада азық-түлік тауарларының бағасын тұрақтандыруға, ал ұзақ мерзімді перспективада бағаны төмендетуге, ішкі нарықты отандық тауарлармен қанықтыруға, алушылар арасында субсидияларды әділ бөлуге, сондай-ақ нарықта адал бәсекелестік жүргізуге мүмкіндік береді.   

Құрметпен,ҚР Сауда және интеграция министрлігінің

баспасөз қызметі

Тел.: 8(7172) 74 98 94www.mti.gov.kz https://www.facebook.com/mtiqz/

https://t.me/tradenewsQZ     

• 15.03.2021
• 212