QazTrade Солтүстік-Қазақстан облысының аймақтық экспорттық кеңесінің отырысын өткізді

Петропавл қаласында 80-нен астам экспортқа бағдарланған компаниялардың, Қазақстан Республикасының Сауда және интеграция Вице-министрі Қайрат Төребаевтың, облыс әкімінің орынбасары Дәурен Жандарбектің, ҚР СИМ «QazTrade» АҚ Бас директоры Азамат Асқарұлының және KazakhExport компаниясының өкілдерінің қатысуымен Өңірлік экспорттық кеңестің отырысы өтті.

Солтүстік Қазақстан облысының экспорт көлемі 2020 жылы 244,9 млн. АҚШ долларын құрады. Тауарлар, жұмыстар мен қызметтер әлемнің 20-дан астам еліне экспортталады. Экспорттың негізгі көлемі Ресей, Өзбекстан, Қытай және Ауғанстан сияқты елдерге тиесілі.

Өңірдің үш компаниясы («Молпродукт» ЖШС, «Петропавл ауыр машина жасау зауыты» АҚ, «BIO Operations» ЖШС) Alibaba платформасында ұсынылған: олар халықаралық маркетплейстер арқылы қазақстандық экспортты ілгерілету бағдарламасы аясында «Алтын аккаунт» алды. Өткен жылы Солтүстік Қазақстан облысынан экспорттық акселерация бағдарламасына 3 кәсіпорын («Молпродукт» ЖШС, «BIO Operations» ЖШС, «Радуга»ЖШС) қатысты.

«Өткен жылы өңірдің 16 экспорттаушы компаниясы экспорттық шығындардың бір бөлігін 807 млн теңгеге өтеу түрінде мемлекеттік қолдау алды. Ал, облыста экспортқа бағдарланған бірнеше ондаған кәсіпорын бар. Осыған ұқсас жағдайды біз басқа облыстарда да көріп отырмыз: көптеген кәсіпкерлер мемлекеттік қолдауды қаламағаны үшін емес, оның бар екенін білмейтіндіктен ала алмайды», - деп түсіндірді «QazTrade» Бас директоры Азамат Асқарұлы.

Ол өңірдің экспорттаушы кәсіпорындарына экспорттаушыларды мемлекеттік қолдау шараларының барлық спектрін ұсынды. Олардың барлығы дерлік биылдан бастап QazTrade компаниясында шоғырланғанын хабарлады.

«QazTrade - Сауда және интеграция министрліктерінің шикізаттық емес өнім экспортын дамыту және ілгерілету жөніндегі уәкілетті операторы. Біздің міндетіміз - сыртқы нарықтарға бағдарланған кәсіпорындарды барынша қолдау», - деді Асқарұлы.

Ол QazTrade-тен экспорттаушылардың шығындарын өтеуді, сондай-ақ отандық өнімді өндірушілерді қолдаудың қаржылық емес шараларын алуға болатынын хабарлады: компанияның диагностикасы мен оның экспорттық мүмкіндіктерін бағалаудан бастап сапалы талдау мен консалтингтік қызметтерді ұсынуға дейін. Мысалы, «Экспорттық акселерация» бағдарламасы аясында тамақ өнеркәсібінің 35 компаниясы Қытай нарығына шығуға дайындалды. QazTrade қызметкерлері халықаралық сарапшылармен бірге бизнес өкілдерін Қытай нарығымен жұмыс істеудің «қыр-сырына» үйретіп қана қоймай, ҚХР-да қазақстандық өнімді сатып алушыларды табуға көмектесті.

Барлық бизнес-процестерді цифрландыру шеңберінде экспорттаушыларды қолдаудың барлық қызметтері биылғы жылдан бастап онлайн режимге көшірілді.

«Енді кәсіпкерлерге мемлекеттік органдарға барудың қажеті жоқ, тек бірыңғай export.gov.kz портал-терезесін пайдалану жеткілікті. Егер сізде жедел сұрақтар туындаса-@exportgov телеграм-арнасы және @qaztradebot телеграм-бот сіздің қызметіңізге көмектеседі. Бот сізге мына тақырыптар бойынша ақпаратты жылдам табады: «Экспорттық акселерация» бағдарламасына қалай кіруге болады, шығындардың өтемін немесе басқа да қаржы қолдау шараларын алу туралы, басқа елдердің маркетплейстеріне немесе Мемлекеттік сатып алуларға қалай шығуға болады. Осы жерде сіз өтінішіңізді қалдыра аласыз немесе сұрақ қоя аласыз», - деп хабардар етті  Асқарұлы.

Облыс кәсіпкерлерінің кездесуі аясында көптеген сұрақтар қойылды. Бұдан басқа, оларды Сауда және интеграция министрлігінің ЕАЭО елдерінің нарықтарындағы біздің тауарларымызға кедергілерді жою жөніндегі жұмысы, Еуразиялық одақ пен Қазақстанның техникалық регламенттерін жаңарту, сондай-ақ контрафактіге және сапасыз импортқа қарсы күрес қызықтырды.

• 15.03.2021
• 174