Түркияның жетекші жоғары оқу орындарының бірі Гази университетінің ректоры Угур Унал мырзамен кездесті.

Делегация Шымкентке Өзбекәлі Жәнібеков атындағы Оңтүстік Қазақстан педагогикалық университеті базасында филиал жұмысын ұйымдастыру үшін арнайы келді.
Бұл бастама Мемлекет басшысының білім саласындағы халықаралық ынтымақтастықты кеңейту және шетелдің алдыңғы қатарлы университеттерінің филиалдарын ашуды қолдау жөніндегі тапсырмасы аясында жүзеге асып отыр. Гази университеті – Түркияның ең ірі әрі беделді оқу орындарының бірі. «QS World University Rankings by Subject 2024» рейтингісінде «Білім беру және кадрларды даярлау» бағыты бойынша 36-шы орын иеленген.
Кездесу барысында филиалдың жұмысын ұйымдастыру және оны инфрақұрылыммен қамтамасыз ету бойынша негізгі мәселелер талқыланды. Бұл оның табысты жұмыс істеуі үшін барлық қажетті жағдайды жасауға бағытталған.

• 30.09.2025
• 17