БЮДЖЕТТІҢ ӨЗІНДІК КІРІСІН ҰЛҒАЙТУ ШАРАЛАРЫ ТАЛҚЫЛАНДЫ

Мемлекет басшысының өңірлердегі өзіндік кіріс көлемін ұлғайту бойынша берген тапсырмасына сәйкес бүгін Шымкент қаласы бойынша мемлекеттік кірістер департаментінде қала әкімі Ғабит Сыздықбековтің және тиісті орган өкілдерінің қатысуымен арнайы жиын өтті. Күн тәртібінде қалалық бюджеттің өзіндік кіріс көлемін ұлғайту мәселелері қаралды.

Қала әкімі тұрақты кіріс базасын дамыту стратегиялық мәнге ие екенін атап өтті. Себебі ол басым жобаларды іске асыруға және қала дамуының өзекті міндеттерін шешуге мүмкіндік береді. Соңғы екі жылда бұл бағытта айтарлықтай нәтижеге қол жеткізілді.

Атап айтқанда, қалалық бюджеттің көлемі 239 млрд теңгеге ұлғайып, 895 млрд теңгеге жетті. Оның 496 млрд теңгесі – өзіндік кіріс. Бюджеттің дербестігі 46%-дан 56%-ға өсті. Бұл республикалық бюджеттен бөлінетін трансферттерге тәуелділіктің азайғанын көрсетеді.

• 06.10.2025
• 24