ШЫМКЕНТТЕ 2023 ЖЫЛЫ КӨШЕНІ ЖАРЫҚТАНДЫРУ КӨРСЕТКІШІН 70 ПАЙЫЗҒА ЖЕТКІЗУ КӨЗДЕЛУДЕ

Қала тұрғындары осы күнге дейін көшені жарықтандыру жөнінде жиі шағымданып келген болатын. Көше шамдарын орнату және жарықтандыру жүйелерінің құрылысы туралы баяндап, тұрғындардың сауалдарына жауап бердім.

Өткен тәулікте COVID-19 инфекциясын жұқтырған 9 жағдай тіркелді. Бүгінгі күні қалада 1 060 төсек - орын бар (жұқпалы - 560, карантин - 500), оның 883 төсек – орны бос. Жұқпалы және карантиндік ауруханаларда 177 науқас ем қабылдауда немесе толымдылығы 17%.

Жалпы Шымкентте орталық маңызға ие 747 көше бар. Өткен жылы  39 көшеге жарық жүйесі орнатылса, 4 көшеде қайта құру жұмысы жүргізілді. Нәтижесінде көшені жарықпен қамту 25 пайыздан 31 пайыздан асты. Ленгір тас жолы бойындағы ескі шамдарды диодты шамға ауыстырылды. Қосымша жарық жүйесін орнатуға 161,2 млн теңге қаржы қаралып тиісті жұмыс атқарылды.

Қазіргі таңда, шаһардағы 228 көше мен 8 саябақ, 32 гүлзар және 1026 көпқабатты тұрғын үй ауласында  43 016 дана түнгі жарық шамы жарқырап тұр.  2021-2023 жылдары көшені жарықтандыру мен оны күтіп ұстау бойынша мемлекеттік-жекеменшік әріптестік  аясында 16,4 млрд теңгеге бірқатар жобалар жүзеге асырылады.

Жоба аясында  312 көше жарықтандырылып (Абай ауданы: 83 көше, Әл-Фараби ауданы: 42 көше, Еңбекші ауданы: 89 көше, Қаратау ауданы:  98 көше), энергия үнемдейтін LED шамдар орнатылады. Нәтижесінде қамту көрсеткіші 70 пайызға жетпек.

• 15.03.2021
• 221