С. Жақыпова Қазақстан кәсіподақтарын кәсіби мерекеcімен құттықтады

ҚР Еңбек және халықты әлеуметтік қорғау министрі Светлана Жақыпова еліміздің кәсіподақ ұйымдарын кәсіби мерекеcімен құттықтады. Еңбек министрлігінің басшысы кәсіподақ қызметкерлеріне Қазақстанның әлеуметтік-экономикалық дамуына қосқан үлесі мен орасан зор еңбегі үшін алғыс айтып, жемісті жұмыс пен табыс тіледі.

«Бұл айтулы күн елдегі тәуелсіз кәсіподақ қозғалысының дамуын, экономикалық даму мен қоғамдағы әлеуметтік тұрақтылық мақсаттарына қол жеткізуде Үкіметтің толыққанды әрі қуатты серіктесі ретіндегі рөлін бейнелейді.

Қазақстан кәсіподақтары – әлеуметтік-еңбек қатынастарының іргелі элементі болып табылады.

Бүгінде елімізде 500 кәсіподақ ұйымы жұмыс істейді, олар 2,5 миллион жалдамалы жұмыскерді біріктіреді.

Әлеуметтік қорғау, ішкі тұрақтылық, азаматтардың әл-ауқатын арттыру мәселелері Үкіметпен бірге кәсіподақтардың да басым бағыттарының бірі болып қала береді.

Мемлекет басшысының тапсырмаларында көрсетілген экономикалық және әлеуметтік көрсеткіштерге қол жеткізу қоғамның тұтастығы мен бірлігін талап ететінін атап өткен жөн.

Мемлекет алдында тұрған жаңа міндеттер аясында бірлескен жұмысты жалғастыра береміз деген сенімдемін.

Барлық кәсіподақ қызметкерлеріне еліміздің әлеуметтік-экономикалық дамуына қосқан зор үлестеріңіз бен қажырлы еңбектеріңіз үшін алғыс айтқым келеді.

Қазақстанның барлық кәсіподақтарына бірлік пен ынтымақ, амандық пен одан әрі өркендеу және жемісті жұмыс пен жаңа жетістіктер тілеймін!», – делінген Светлана Жақыпованың ақжарма тілегінде. 

• 10.10.2025
• 16