БҚДА ТӨРАҒАСЫНЫҢ ОРЫНБАСАРЫНЫҢ ЕЭК-ТІҢ БӘСЕКЕЛЕСТІК ЖӘНЕ МОНОПОЛИЯҒА ҚАРСЫ РЕТТЕУ ЖӨНІНДЕГІ МИНИСТРІ М.Л. ЕРМОЛОВИЧПЕН КЕЗДЕСУІ ӨТТІ

Бәсекелестікті қорғау және дамыту агенттік төрағасының орынбасары Болат Сәмбетовтың Еуразиялық экономикалық комиссияның (ЕЭК) бәсекелестік және антимонополиялық реттеу жөніндегі министрі Максим Ермоловичпен кездесуі өтті.

Кездесу барысында тараптар ЕЭК пен Еуразиялық экономикалық одаққа (ЕАЭО) мүше мемлекеттердің антимонополиялық органдары арасындағы өзара іс-қимыл мәселелерін талқылады.
Атап айтқанда, әңгіме ЕЭК шешімдерін іске асырумен байланысты бәсекелестік туралы заңнамаға енгізілетін түзетулерді ілгерілету, ЕЭК өкілеттіктерін кеңейту және Брест қаласында өтетін ЕАЭО-ға мүше мемлекеттердің уәкілетті органдары басшыларының 5+1 форматындағы алдағы кеңесінде қаралатын бірқатар бастамалар туралы болды.

Өз кезегінде Болат Сәмбетов ЕЭК және ЕАЭО елдерінің басқа да антимонополиялық органдарымен трансшекаралық өзара іс-қимыл мәселелеріндегі Агенттіктің белсенді қатысуын атап өтті, сондай-ақ БҚДА қызметінде жасанды интеллектті қолдану құралдарын енгізу жөніндегі жоспарлармен бөлісті.

• 21.10.2025
• 14