Қазақстанда «Таза табиғат» экологиялық жобасы бастау алды

Бүгін елімізде наурыз мерекесіне орай «Таза табиғат» экологиялық жобасы басталды. Киелі Түркістан қаласында облыс әкімі Өмірзақ Шөкеевпен бірге ботаникалық бақта, Жасыл белдеу аймағында ағаш көшеттерін отырғыздық.Осылайша, Президенттің орман алқаптарында 2 млрд, елді мекендерде 15 млн ағаш отырғызу туралы тапсырмасын орындауға старт берілді. Жыл соңына дейін Түркістан облысының Жасыл белдеу аумағы 20 мың гектарға дейін ұлғаяды.“Таза табиғат” жобасы Жамбыл , Маңғыстау, Қызылорда облыстары мен Шымкент қаласында жалғасып жатыр. «Мекенім – жасыл елім» акциясымен 486 мың, оқушылардың «Менің ағашым» челленджінде 39 мың көшет егілмек. “Таза табиғат” аясында барлық өңірде айналаны қоқыстан тазарту, бұлақ көздерін ашу, су айдындарын тазалау өтуде. Наурыздың экологиялық мәні зор мейрам екенін ұмытпай,бұл күнді қоршаған ортаға пайдасы тиетін жұмыстан бастауды дәстүрге айналдырамыз.Ұлыстың ұлы күні құтты болсын!

• 21.03.2021
• 254