Нысанбаев Е.Н.
ҚР Экология және табиғи ресурстар министрі
«Таза табиғат» жобасы аясында Жамбыл облысында 277 мың түп ағаш отырғызылды
«Таза табиғат» жобасы аясында Жамбыл облысында 277 мың түп ағаш отырғызылды. Түркістан қаласында басталған жалпыұлттық «Таза табиғат» экологиялық жобасы Жамбыл облысында жалғасты. Облыс әкімі Бердібек Сапарбаевтың қатысуымен Тараз қаласында «Мекенім -жасыл елім», «Менің ағашым» ағаш отырғызу акциялары өтті. Жалпы облыс бойынша 276,8 мың түп ағаш отырғызылды. Оның 88,5 мыңы қалалар мен елді мекендерде, 29,4 мың көшет білім беру ұйымдарында, ал 159 мың сексеуіл көшеті орман қоры жерлерінде егілді. Экологиялық акцияға 53 мың жамбылдық атсалысты. Сонымен қатар, қала, аудан аумақтарындағы «Таза су айдындары» акциясы аясында Ақкөл, Билікөл, Талас өзені бойы, Бөгеткөл су айдындары, «Су көздерін ашу, бұлақтарды тазарту» акциясы шеңберінде елді мекен төңірегіндегі су нысандары, су арналары қоқыстан тазартылды.
- 21.03.2021
- 262
