Наурыз мейрамымен құттықтау

Қымбатты достар! Сіздерді Наурыз мейрамымен шын жүректен құттықтаймын! Наурыз – жыл басы, күллі тіршілік әлемі қайта түлейтін табиғат мерекесі. Ол – өткенді саралап, болашағымызды болжайтын ерекше кезең. Бүгінде Ұлыстың ұлы күні экологиялық тәрбиенің символына айналып үлгерді. «Таза жерге тақсырет жоламас» деп сенген халқымыз бұл күні тазалықты өз ауласынан, өз үйінен бастайды. Сондықтан осы мейрам кезінде ағаш отырғызып, айналаны көркейту шараларын өткізу маңызды іс болып қала бермек. Шығыс халықтарына ортақ үлкен Наурыз – бірліктің, татулықтың, ізгіліктің мерекесі. Ендеше, Ұлыстың ұлы күні елімізге құт-берекесін ала келсін.Баршаңызға амандық, саулық, дастархандарыңызға молшылық тілеймін!

• 22.03.2021
• 235