«Заң және тәртіп» нарративі мен «Адал азамат» бірыңғай тәрбие бағдарламасы аясында өткізілген «Қаржы сақшысы» ауқымды компьютерлік ойыны өз мәресіне жетті

Жоба жасөспірімдер мен жастардың қаржылық қауіпсіздік, сыни ойлау және цифрлық ортадағы жауапкершілік дағдыларын қалыптастыруға бағытталған.

Ойынға еліміздің түкпір-түкпірінен 800 тыс қатысушы қатысып, нәтижесінде үздіктер анықталды.

Оқушылар арасында: Еркінқызы Аружан — Ақмола облысы, Целиноград ауданы, Талапкер ауылының жалпы білім беретін мектебінің оқушысы; Турсунова Динара Алимжановна — Алматы облысы, Еңбекшіқазақ ауданы, Малыбай ауылының Малыбай орта мектебінің оқушысы; Софиева Ильнура Рашитовна — Алматы облысы, Еңбекшіқазақ ауданы, Малыбай ауылының Малыбай орта мектебінің оқушысы.

Студенттер арасында: Жақыпбек Нұржас Асетұлы — Алматы облысы, Қонаев қаласындағы сервис және тамақтану саласындағы инновациялық технологиялар колледжінің студенті; Махмаджанова Азада Зиадуллаевна — Түркістан облысы, Мақтаарал ауданы, Атакент кентіндегі Мақтаарал аграрлық колледжінің студенті; Рахымжанов Нұрбах — Түркістан қаласындағы Түркістан жоғары медициналық колледжінің студенті.

Сонымен қатар 120 облыстық және 684 аудандық жеңімпаз анықталып, бұл жобаның кең ауқымын және қатысушылардың жоғары белсенділігін айқындайды.

Ойын нәтижелері туралы толық ақпарат AML Academy ресми сайтында жарияланған: amlacademy.kz Барлық жеңімпаздар құнды сыйлықтармен марапатталады.

• 30.12.2025
• 6