С. Шәпкенов «Nur Otan» партиясының Республикалық қоғамдық қабылдау бөлмесінде азаматтарды қабылдады

ҚР Еңбек және халықты әлеуметтік қорғау министрі Серік Шәпкенов «Нұр Отан» партиясының Республикалық қоғамдық қабылдау бөлмесінде онлайн қабылдау өткізді. 5 сағаттан астам уақытқа созылған қабылдау барысында ҚР Еңбекминінің басшысы 16 азаматтың мәселелерін қарады.

Елорда, Алматы және Шымкент қалаларының, Шығыс Қазақстан, Жамбыл, Қарағанды және Түркістан облыстарының тұрғындары өз мәселелерінің шешімін іздеп, Серік Шәпкеновке өтініштерін білдірді.

Қабылдау барысында мүгедектік тобын белгілеу немесе қалпына келтіру, тұрғын үйге кезек және мүгедек адамдарды қамтамасыз етудің басқа да мәселелері қаралды. Сондай-ақ, министр жеке көмекшілердің еңбегіне ақы төлеу, жұмысқа орналастыру, еңбек заңнамасын сақтау, қызметкерлер мен жұмыс берушілердің құқықтары мәселелері бойынша түсініктемелер берді.

Азаматтардың өтініштері мен ұсыныстарын тыңдаған Серік Шәпкенов өтініштер бойынша толық жауап берді, ал қарауға қосымша уақытты қажет ететін мәселелер бойынша ҚР Еңбекминінің тиісті департаменттеріне өз құзыреті шеңберінде көмек көрсетуге тапсырма берді.

• 26.03.2021
• 335