ҚР Премьер-министрі Олжас Бектенов Үкіметтің кеңейтілген отырысында Президент жүктеген энергетикалық инфрақұрылымды жаңғырту және жаңа қуаттарды іске қосу жөніндегі тапсырмалары аясында атқарылып жатқан жұмыстардың барысымен танысты

ҚР Премьер-министрі Олжас Бектенов Үкіметтің кеңейтілген отырысында Президент жүктеген энергетикалық инфрақұрылымды жаңғырту және жаңа қуаттарды іске қосу жөніндегі тапсырмалары аясында атқарылып жатқан жұмыстардың барысымен танысты.
✔️Осыған дейін ЖЭО-3-тің бірінші кезегін, сондай-ақ газбен жұмыс істейтін «Тұран» және «Оңтүстік-Шығыс» жылу станцияларын пайдалануға беру нәтижесінде қаланың жылу қуаты 30%-ға ұлғайды. Аталған нысандар қалаға сағатына қосымша 1100 Гкал жылу қуатын береді.
✅Қаланың қарқынды дамуына байланысты алдағы қажеттіліктерді ескере отырып, «Телман» газ жылу станциясының құрылысын жүргізіп жатырмыз. Оны 2027 жылы пайдалануға беру жоспарланып отыр.
✅Биыл ЖЭО-3-те көмірді резервтік жағдайға балама отын ретінде пайдалану мүмкіндігі бойынша жұмыстар аяқталады. Атап айтқанда, жанармай беру трактісін қайта себу тораптарымен және ұсақтау корпусымен біріктіру, теміржол станциясын инженерлік инфрақұрылыммен қосу жоспарланып отыр. Көктемде сыртқы және ішкі автомобиль жолдарын салу, аумақты абаттандыру және тағы да басқа жұмыстар жалғасады. Жобаның 2-кезегі аясында жеке инвестицияларды тарту есебінен қуаты сағатына 500 МВт болатын бу-газ қондырғысын салу көзделген, бұл Астананы сенімді электрмен қамтамасыз етуге мүмкіндік береді.
Сол сияқты ҚР Премьер-министрі өнеркәсіп және цифрлық инфрақұрылым салаларындағы жобалардың іске асырылу барысын тексерді. 2025 жылдың қорытындысы бойынша өнеркәсіп өндірісінің көлемі 3,4 трлн теңгеден асты. Өнеркәсіп кәсіпорындарының негізгі бөлігі №1 Индустриялық парк аумағында шоғырланған. Мәселен, №1 Индустриялық парк аумағында 2025 жылдан бастап «Автокомпоненты KZ» ЖШС-нің өрт сөндіру және арнайы техника, сондай-ақ аспалы жабдықтар өндіретін зауыты жұмыс істеп келеді. Зауыттың жобалық қуаты жылына 400 бірлік техникаға дейін жетеді. Олар – өрт сөндіру автоцистерналары, вахталық фургондар, коммуналдық-жол машиналары және т.б.

• 18.02.2026
• 10