Бағалы қағаздар нарығындағы брокерлік және дилерлік қызметті реттеуді жетілдіру туралы

Қазақстан Республикасының Қаржы нарығын реттеу және дамыту агенттігі «Бағалы қағаздар нарығында брокерлік және (немесе) дилерлік қызметті жүзеге асыру қағидаларын, брокердің және (немесе) дилердің банк операцияларын жүргізу тәртібін бекіту туралы» Қазақстан Республикасы Ұлттық Банкі Басқармасының 2014 жылғы 3 ақпандағы № 9 қаулысына өзгерістер мен толықтырулар енгізу туралы» Агенттік Басқармасының қаулысының жобасын әзірледі. 

Басқарма қаулысының жобасы «Бағалы қағаздар нарығы туралы» Қазақстан Республикасы Заңының 63-бабын орындау мақсатында әзірленді. 

Жобамен жосықсыз практикалардың түрлері мен белгілерін, өнімдер туралы ақпаратты жария етуге қойылатын талаптар, сондай-ақ клиенттер үшін ақпараттың қолжетімді әрі түсінікті болуын қамтамасыз ету жөніндегі міндеттемелерді белгілейтін жаңа тарау енгізіледі. 

Сонымен қатар, тәуекелдер және инвесторлардың құқықтары туралы ақпараттандыруды қоса алғанда, клиенттердің қаржылық сауаттылығын арттыру бағдарламаларын жыл сайын іске асыруға қойылатын талаптар белгіленеді. 

Сондай-ақ, құжат клиенттердің жолданымдарын қарау тәртібін реттейді, тұтынушылардың құқықтары мен мүдделерін сақтаудың ішкі саясаттарына қойылатын талаптарды енгізеді. 

Сонымен қатар, жобада «Қазақстан Республикасының кейбір заңнамалық актілеріне қаржы нарығын реттеу мен дамыту, байланыс және банкроттық мәселелері бойынша өзгерістер мен толықтырулар енгізу туралы» 2026 жылғы 16 қаңтардағы Қазақстан Республикасының Заңына сәйкес келтіруге бағытталған редакциялық түзетулер көзделген. 

Қаулы жобасының мәтінімен «Ашық НҚА» интернет-порталында және Агенттіктік сайтында танысуға болады.

• 20.02.2026
• 7