Құттықтау

Құрметті қазақстандықтар!

Сіздерді Республикамыздың әр азаматы үшін теңдесі ең айтулы мереке – Тәуелсіздік күнімен құттықтаймын!

Ұлттық қасиетіміз бен Ұлттық құндылықтарымызды ұлықтап, Ұлттық намысымызды оятқан, күллі әлемге қазақты арына сызат түсірмеген, азаттық сүйгіш, рухы биік, намысы өр халық ретінде жариялаған Тәуелсіздік күні құтты болсын!

Халқымыздың ғасырлар бойы аңсаған азаттығына биыл 28 жыл толып отыр. Ата-бабамыз армандап өткен тәуелсіз ел болу мәртебесін көру – бүгінгі ұрпаққа, яғни біздерге бұйырған теңдесі жоқ бақыт деп білемін.

  Азат күннің арқасында Отандастарымыз алмағайып заманның қиындықтарына мойымай, әлемдік сахнада бойын тіктеп ұстайтындай дәрежеге жетті. Еліміздің мұндай биіктіктерді бағындыруына Сіздің де сүбелі үлес қосып келетініңізді атап өткім келеді. Келешек ұрпақтақтың ырысы ортаймасын, намысы тапталмасын деп көксеген ата-бабамыздың арманы орындалған бақытты шақта елімізге бейбіт өмір, ерен еңбектеріңізге толағай табыстар тілей отырып, халықтың әлеуметтік жағдайы бүгінгіден де жақсара түседі деп сендіргім келеді.

Көк байрағы желбіреген, бүгінгідей абыройлы да айбынды, беделді де берекелі, ынтымағы мен бірлігі жарасқан азат Қазақстанның тәуелсіздігі тұғырлы болғай.

Еліміздің дәулеті, жеріміздің сәулеті, халқымыздың әлеуметі жолындағы игілікті істеріңіз жемісті болсын!

Тәуелсіз күні құтты болсын!

• 13.12.2019
• 463