ШЫМКЕНТТЕГІ ЕМХАНАЛАРДА ДЕМАЛЫС КҮНДЕРІ ДЕ КОВИДКЕ ҚАРСЫ ВАКЦИНА САЛЫНАДЫ

Шымкентте медицина мамандары  енді демалыссыз инфекцияға қарсы вакцинациялау жұмыстарын жүргізеді. 

Өткен сенбі, жексенбі күндері  бастапқы санитариялық медициналық көмек көрсету ұйымдарындағы мамандар өз еркімен келісім берген азаматтарға  ковидке қарсы екпе салды. 

1 ақпаннан бүгінге дейін 7181 азаматқа ковидке қарсы вакцина салынған. Екпе алғандардың 70 пайыздан астамы медицина мамандары. Қалғаны мұғалімдер мен құқық қорғау органдарының қызметкерлері. Екпе салу түрлі санат бойынша кезегімен жүргізілуде.

Инфекцияға қарсы вакцинациялау жұмыстары қаладағы 26 емдеу мекемесінде жүргізілуде. Бұған қоса қосымша 10 бастапқы медициналық-санитариялық алғашқы көмек ұйымдарында вакцинация жасау үшін  арнайы кабинеттер дайындалды. 

Мемлекет басшысы атап өткендей, бүгінгі таңда вакцина салдыру – коронавирус ауруының таралуын болдырмаудың  бірден бір жолы болып отыр. 

Құрметті шымкенттіктер! Вакцина тегін және ерікті түрде салынады.

• 29.03.2021
• 262