Ақтөбе облысына жұмыс сапарым

Жұмыс сапарымен Ақтөбе облысына келдім. Өңір басшысы Оңдасын Оразалинмен бірге ірі табиғат ластаушы кәсіпорындарын аралап, қоршаған ортаға шығарындыларын азайту шараларымен таныстық. Ақтөбе ферроқорытпа зауытына ауаға шығатын лас шығарындылардың 50%-ы тиесілі. Кәсіпорын басшылығы қабылданған бағдарлама бойынша тазарту фильтрлерін қойып, 2023 жылға дейін шығарындыларды 40%-ға азайтуды жоспарлап отыр. Ал Ақтөбе хром қосындылары зауыты 2025 жылға дейін эмиссияны азайту үшін толығымен жеңдік сүзгілер қояды. Бұл жұмысты мүмкіндігінше тездету керек. Жиналып қалған шлам қалдықтарының утилизациясы бойынша да проблемалар бар. Қаланың экологиялық және санитарлық-эпидемиологиялық ахуалына теріс әсерін тигізіп жатқан кәріздік-тазалау құрылғылары станциясының тозығы жеткен. Сондықтан жаңа станция салу қажеттігін талқыладық. Уақытша проблеманы шешу үшін әкімдік тарапынан 420 млн теңге бөлініп, химиялық реагенттер арқылы қоқыспен күрес жүріп жатыр. Атап өту керек, біз өткен жылы облыс әкімдігімен бірге өңірдің экологиялық проблемаларын кешенді шешу бойынша Жол картасын қабылдадық. Қоршаған ортаға зиянды азайту жұмыстары сол жоспар аясында жүзеге асуда

• 29.03.2021
• 248