Қазақстан мен Литва арасындағы СІМ-аралық консультациялар туралы

Нұр-Сұлтан, 2021 жылдың 17 наурызы – Бейнеконференция режимінде Қазақстан Сыртқы істер министрінің орынбасары Марғұлан Баймұхан және Литва Сыртқы істер вице-министрі Мантас Адоменастың деңгейінде сімаралық консультациялар өтті.

Тараптар екіжақты ынтымақтастықтың, соның ішінде саяси, сауда-экономикалық, мәдени-гуманитарлық, консулдық және басқа да салалардағы өзекті мәселелерін талқылады. Халықаралық күн тәртібіндегі өзекті сұрақтар бойынша пікір алмасылды.

Литва тарапына «халық үніне құлақ асатын мемлекет» тұжырымдамасын жүзеге асыру аясында Қазақстан Президенті Қасым-Жомарт Тоқаев бастамашылық еткен саяси реформалардың бірқатар аспектілері бойынша ақпарат берілді.

Келіссөздер нәтижесінде Қазақстан мен Еуропалық Одақ арасындағы Кеңейтілген әріптестік пен ынтымақтастық туралы келісім рухында ынтымақтастықты жандандыру туралы уағдаластыққа қол жеткізілді, қайта өңдеу өнеркәсібі мен ауыл шаруашылығы, транзиттік-көлік саласы мен денсаулық сақтау, сондай-ақ жаңа технологиялар (ЖЭК, финтех, биотехнологиялар) және т. б. салалардағы ынтымақтастықтың келешегі атап өтілді.

Сонымен қатар, дипломаттар парламентаралық диалогты жандандыру, сондай-ақ шарт-құқықтық базаны кеңейту жолдарын талқылады.

• 30.03.2021
• 259