ШЕКАРАЛАР ЖАБЫЛҒАН КЕЗДЕ АУҚЫМ ШЕШУШІ ӘСЕР ЕТЕДІ

25 наурызда ЮНКТАД-БҰҰ ЕЭК өңірлік диалог алаңында ШОБ дамыту мәселелері жөніндегі мемлекеттік органдардың, Қазақстан, Ресей, Грузия, Молдова, Сербияның монополияға қарсы ведомстволарының өкілдері дағдарыстың нарықтар мен саудаға қолжетімділік бөлігінде шағын және орта бизнеске әсерін талқылады. Сондай-ақ, алаңда ЮНКТАД-тың шағын және орта бизнестің нарықтарға және бәсекелестікке қолжетімділігіне cavid-19 ықпалы тақырыбына жаһандық зерттеуі, негізгі мәселелерге шолу және болашақ іс-әрекеттерге қатысты ұсынымдар таныстырылды.

COVID-19 дағдарысы кезінде шағын және орта бизнесті қолдау бойынша Қазақстанның тәжірибесі мен қабылдаған шараларымен бөлісті. Шағын және орта бизнес экономиканың ауытқуларына икемділігі мен тұрақтылығының арқасында экономиканың сенімді негізі деп есептелген.

Бірақ пандемия көрсеткендей, ол ұзақ мерзімді сынақтарға дайын емес. Бұл ШОБ-та ауқым әсерінің, елеулі қойма қорларын қалыптастыру және дағдарыс жағдайында ұзақ мерзімде қаржылық-орнықтылық мүмкіндіктерінің болмауына байланысты. Қазақстанда пандемия кезеңінде шағын және орта бизнеске айтарлықтай қолдау көрсетілді, көптеген салықтық, тарифтік және тарифтік емес жеңілдіктер мен босаңсытулар енгізілді, экономикалық өсуді қалпына келтіру жөніндегі кешенді жоспар әзірленді және бизнестің жол картасы шеңберінде қолдау шаралары күшейтілді.

Пандемия жағдайында бәсекеге қабілетті экономикаға көзқарас парадигмасы өзгерді, бүгінде саналы бәсекелестіктің орнына тиімді бәсекелестіктің көрсеткіші бірінші орынға шығады. ШОБ-тың тіршілік әрекеті үшін экологиялық ортаны қалыптастыратын ірі кәсіпорындар экономиканы дамыту үшін маңызды факторға айналады. Кәсіпорын ауқымының әсері шекаралар жабылған кезде шешуші рөл атқарады.

2020 жылдың соңында Қазақстанның Мемлекет басшысы Бәсекелестікті дамыту жөніндегі мемлекеттік саясаттың негізгі бағыттары туралы Жарлыққа қол қойды, онда бәсекелестік елдің ұлттық идеясы деп жарияланды. Бәсекелестікті қорғау және дамыту агенттігінің алдына қойылған міндеттерді іске асыру үшін 2025 жылға дейін есептелген Бәсекелестікті дамыту жөніндегі ұлттық жоба әзірленді. Онда бірнеше негізгі міндеттер бар – бәсекелестік салалардағы мемлекет иелігінен алу, кәсіпкерлікті теңгерімді реттеу және салауатты бәсекелестік ортаны қамтамасыз ету. Бүгін біз монополияға қарсы орган туралы түсінік парадигмасын өзгерттік, ол жазалаушы орган емес, елдегі бизнесті қолдау органы болды. 2025 жылға қарай біз мынадай түбегейлі өзгерістерді күтеміз: кәсіпкерлік субъектілерін дамытудың қарапайым қағидаттарынан - қазіргі заманғы кәсіпкерлік экожүйесін құруға көшу. Бизнесті қолдау жөніндегі «сандық» міндеттен - талап етілетін инфрақұрылымды құра отырып, сапалы «топтамалық шешімдер» қабылдауға дейін.

Реттеуден ынталандыруға дейін. «Көлеңкелі» бизнесті дамыту мүмкіндігінен - адал «ашық» бизнес жүргізуге жағдай жасауға және «көлеңкелі» нарықты анықтаудың бұлтартпастығына. Меншік иесі және салалардағы реттеуші ретіндегі мемлекеттің белсенді рөлінен - жеке субъектілер арасындағы салауатты бәсекелестікке. Бұған лайықты алғышарттар да бар – бүгінде Қазақстан Doing Business рейтингінде 25-орынды иеленіп отыр. ПТР-тестілеу, ковидке қарсы препараттар, медициналық маскаларға бағаны кезең-кезеңмен төмендету мысалында бәсекелестік артықшылықтарды енгізу есебінен біз мақсатқа қол жеткізуге болатынын көреміз.

• 30.03.2021
• 287