Азық-түлік себетінің бағасын реттеу

Шығарылым тақырыбы: Азық-түлік себетінің бағасын реттеу

ҚР CИМ Қоғаммен байланыс басқармасының бас сарапшысы Еркема Мұхтарқызы "Атамекен Бизнес" телеарнасының "Күндізгі формат" бағдарламасында түсініктеме берді.

Өткен жылы ҚР Сауда және интеграция министрлігі әлеуметтік маңызы бар тауарларға сауда үстемесінің ең жоғары мөлшерін заңнамалық түрде белгіледі. Ол әлеуметтік маңызы бар азық-түлік тауарларын жеткізушінің өткізу бағасының 15% - ынан аспауы тиіс.

Сондай-ақ, сауда желілерінің сөрелерінен азық-түлік тауарларын ілгерлеткені үшін 5% - дан аспайтын сыйақы мөлшері бекітілді.

Әлеуметтік маңызы бар тауарлар бойынша мұндай сыйақы алуға тыйым салынады.

Бұл ретте, сауда үстемесі мен сыйақысының мөлшерін бақылауды жүзеге асыру құзыреті әкімдіктерге берілді. Бақылау құзыретін беру жөніндегі заңнамалық өзгерістер 2021 жылғы 1 шілдеден бастап күшіне енетінін атап өткен жөн.

Бұл өзгерістер жергілікті атқарушы органдарға әлеуметтік маңызы бар азық-түлік тауарларына баға белгілеуді бақылауды жүзеге асыруға және көрсетілген нормалар бұзылған жағдайларда қажетті шаралар қабылдауға мүмкіндік береді.

Көтерме-тарату орталықтары

Бүгінгі таңда жеміс-көкөніс өнімдеріне баға белгілеу мен өткізудің тиімсіз жүйесі қалыптасқан, ол, тұтастай алғанда, ауыл шаруашылығы тауарын өндірушіге де, түпкілікті тұтынушыға да тиімді емес.

Әдетте, бұл өндіруші мен түпкілікті тұтынушы арасында сақтау мен тасымалдауды қамтамасыз ету үшін қажетті инфрақұрылымы жоқ көптеген ашық емес делдалдардың болуымен сипатталады, бұл айтарлықтай өндірістік емес шығындарға әкеледі және ауыл шаруашылығы өнімдерінің бағасының өсуіне әсер етеді.

Бұл ретте, ауыл шаруашылығы тауарын өндірушілердің проблемаларын шешу бойынша жағдай жасау үшін Министрлік инфрақұрылым – көтерме-тарату орталықтары желісі түрінде Ұлттық тауар өткізу жүйесін қалыптастыру жөніндегі жобаны іске асыру бойынша жұмыс жүргізуде. 

Жоспарланған тауар өткізу желісі логистиканы оңтайландыруға, өнімнің сақталуын қамтамасыз етуге және шығындарды барынша азайтуға мүмкіндік береді.

Көтерме-тарату орталықтарының желісі тауар өткізу жүйесінің негізгі қатысушылары арасындағы байланыстырушы буынға айналады және өндірушілерді, ретейлерлерді, жеткізушілерді бір кластерге біріктіреді. Ауыл шаруашылығы тауарын өндірушілердің, әсіресе ұсақ және орта фермерлердің өнімді ұзақ мерзімді сақтау инфрақұрылымына және оны өткізу үшін бастапқы өңдеуге/пысықтауға қол жеткізуі қамтамасыз етілетін болады, көтерме-тарату орталықтары желісінің резиденттері мен клиенттерінің тікелей байланысы есебінен қайта сатып алушылардың тиімсіз буындары алып тасталатын болады.

Толық шығарылым https://www.youtube.com/watchv=SW1e00dVHhE 

Құрметпен,

ҚР Сауда және интеграция министрлігі

баспасөз қызметі

Тел.: 8(7172) 74 98 94
www.mti.gov.kz
https://www.facebook.com/mtiqz/
https://t.me/tradenewsQZ

• 30.03.2021
• 205