Алматы қаласында Қаржылық мониторинг агенттігінің үздік тергеушілері анықталды

Алматы қаласында Тергеуші күніне орай «Тергеуші кубогы» атты зияткерлік викторина өтті.

Байқаудың іріктеу кезеңдеріне барлық өңірлік департаменттердің тергеу бөлімдерінен 250-ден астам қызметкер қатысты. Іріктеу қорытындысы бойынша кәсіби білімі, тәжірибесі мен дайындығы жоғары 20 үздік тергеуші анықталды.

Байқау екі кезеңнен тұрды. Бірінші кезеңде қатысушылар зияткерлік викторина тапсырмаларын орындады. Екінші кезеңде финалистер тергеу әрекеттерін жүргізу арқылы тәжірибелік дағдыларын көрсетті.

Байқау қорытындысы бойынша жүлделі орындар келесідей бөлінді:

1 орын — Альнұр Исабеков, Шымкент қаласы бойынша ЭТД;

2 орын — Али Мумтаз, Алматы облысы бойынша ЭТД;

3 орынды:

Аяна Мулдашева, Батыс Қазақстан облысы бойынша ЭТД;

Ануар Турабеков, Астана қаласы бойынша ЭТД;

Айгерим Изимова, Ұлытау облысы бойынша ЭТД бөлісті.

Айта кету керек, бұл байқау жыл сайын өткізілетін болады. Осындай іс-шаралар қызметкерлердің кәсіби деңгейін арттыруға, аналитикалық ойлау қабілетін дамытуға және өңірлік бөлімшелер арасындағы өзара іс-қимылды нығайтуға ықпал етеді.

• 07.04.2026
• 7