Қала әкімі БҰҰ Балалар қорының (ЮНИСЕФ) Қазақстандағы өкілдігінің басшысы Рашед Мұстафа Сарвармен кездесті

Кездесу барысында Шымкентте волонтерлік қозғалысты дамыту және бала құқығын қорғау бағытында жүйелі түрде жүргізіліп жатқан жұмыстар талқыланды. Жыл басынан бері волонтерлік қызмет «Birgemiz» жобалары аясында жоспарлы түрде жүзеге асырылып келеді. Бүгінде бұл қозғалысқа 7 мыңға жуық жас тартылған.

Сонымен қатар «Taza Alem» экологиялық акциялары, «Bilim» білім беру бастамалары және «Qamqor» әлеуметтік жобалары секілді негізгі бағыттар іске асырылуда. «Таза Қазақстан» экологиялық акциясы аясында 48 іс-шара өткізіліп, оған шамамен 7 мың адам қамтылды.

Сондай-ақ волонтерлерді оқыту және дамыту бағытындағы жұмыстар туралы айттым. Атап айтқанда, семинарлар ұйымдастырылып, арнайы клуб құрылды, «Волонтерлікке қадам бас» форумы өткізілді. «Жас волонтер» жобасы мен республикалық «Жазғы мектеп» арқылы көшбасшылық бастамаларды қолдау жалғасуда.

• 13.04.2026
• 8