Шаққалиев А.А.
ҚР Сауда және интеграция министрі
Бақыт Сұлтанов азаматтарды жеке қабылдады
2021 жылғы 26 наурызда Қазақстан Республикасының Сауда және интеграция министрі Бақыт Сұлтанов азаматтарды жеке қабылдау аясында «Қазақстандық қант, тамақ және қайта өңдеу өнеркәсібі қауымдастығы» ЗТБ президенті Айжан Наурызғалиеваны қабылдады.
Айжан Наурызғалиева Қазақстан Республикасының аумағында «Global G. A. P» ауыл шаруашылығы практикасы жүйесін енгізуге қатысты өзекті мәселені көтерді, сондай-ақ «Global G. A. P» енгізу үшін түсіндіру құжатын дайындау бойынша ұлттық жұмыс тобын құруды ұсынды.
Оның айтуынша, қазақстандық бизнестің осы стандартты енгізуге үлкен қызығушылығы бар. Мысалы, «NACAgro» компаниясы сертификатталды және Global G. A. P тізіліміне енді, бұл оған Ресей Федерациясына ғана емес, алыс шетел елдеріне экспорттық әлеуетті кеңейтуге мүмкіндік береді. Сонымен бірге, қазақстандық ауыл шаруашылығы өнімдеріне поляк және түрік тұтынушылары тарапынан қызығушылық бар, бірақ Global G. A. P сертификаты болған жағдайда Алматы қаласында жапырақ салатын жеткізумен айналысатын «GREENEX» компаниясы осындай жұмыс жүргізеді.
ҚР Сауда және интеграция министрі Бақыт Сұлтанов сұраққа жауап бере отырып, ведомство «Global G. A. P» ауыл шаруашылығы практикасы жүйесін енгізу бойынша жұмыс жүргізгенін хабарлады. ҚР СИМ Техникалық реттеу және метрология комитеті фермерлерді, ЗТБ, «Атамекен» ҰКП және СРО өкілдерін осы жүйемен таныстыру бойынша 2 вебинар өткізді, сондай-ақ 3 сарапшы аудитор Түркия мен БАӘ-де тағылымдамадан өтті.
«Өздеріңіз білетіндей, «Global G. A. P» стандарттау және сертификаттау принципі ерікті болып табылады. Өнім тізбесін, өткізу нарығын анықтау және қандай талаптарды бірлесіп таңдауды бастау үшін бизнес тарапынан, яғни өндірушілер мен экспорттаушылар тарапынан бастама қажет», - деді Бақыт Сұлтанов.
Сонымен қатар, ведомство басшысы мүдделі орталық мемлекеттік органдарды тарта отырып, бірқатар бағыттар бойынша тиісті жұмыс тобын құру жөніндегі бастаманы қолдады.
Бақыт Сұлтанов Министрлік «Global G. A. P» стандартын әзірлеуге және СРО аккредиттеуге қатысуға дайын екенін атап өтті.
Қорытындылай келе, Қазақстан Республикасының Сауда және интеграция министрі Бақыт Сұлтанов Техникалық реттеу және метрология комитетіне Ауыл шаруашылығы және Денсаулық сақтау министрліктерімен бірлесіп, ұлттық заңнаманың Global G. A. P. талаптарына сәйкестігіне талдау жүргізуді, ұлттық стандартты бекіту кезінде жәрдем көрсетуді және бизнесті тарта отырып, Сауда және интеграция министрлігі жанынан жұмыс тобын құруды тапсырды.
Құрметпен,
ҚР Сауда және интеграция министрлігінің
баспасөз қызметі
Тел.: 8(7172) 74 98 94www.mti.gov.kz
https://www.facebook.com/mtiqz/
- 30.03.2021
- 218
