АГЕНТТІК ҚЫЗМЕТКЕРЛЕРІ МЕМЛЕКЕТТІК НАГРАДАЛАРМЕН МАРАПАТТАЛДЫ

Қазақстан Республикасы Бәсекелестікті қорғау және дамыту агенттігінде Халықаралық әйелдер күніне арналған салтанатты іс-шара өтті. Оның аясында Агенттіктің бірқатар қызметкер әйелдеріне мемлекеттік наградалар – ордендер мен медальдар табысталды.

Агенттік Аппарат басшысы Мұрат Дәрібаев ұжым алдында сөз сөйлеп, әйелдердің ведомство қызметіне қосқан үлесін ерекше атап өтті. Ол арулардың құзыреттілігі, жауапкершілігі және жоғары кәсібилігі стратегиялық мақсаттарға қол жеткізу мен тұрақты жұмысты қамтамасыз етуге елеулі үлес қосып отырғанын атап өтті.

«Құрметті арулар! Сіздерді көктемнің ең нәзік мерекесі – Халықаралық әйелдер күнімен құттықтаймын! Сіздер – тек отбасының ұйытқысы ғана емес, қоғамның қозғаушы күші ретінде ел дамуына үлес қосып келесіздер. Бүгінде Агенттіктің табысты жұмысы мен бастамалары сіздердің кәсібиліктеріңізге, жауапкершіліктеріңізге және адал еңбектеріңізге тікелей байланысты. Өмірлеріңіз әрдайым қамқорлық пен қуанышқа толы болып, жанарларыңыздан бақыт нұры кетпесін. Жанұяларыңыз аман болып, шуақты да қуанышты күндеріңіз көп болсын!», — деді Мұрат Дәрібаев.

Қазақстан Республикасы Президентінің 2026 жылғы 3 наурыздағы № 1189 Жарлығымен «Құрмет» орденімен Қазақстан Республикасы Бәсекелестікті қорғау және дамыту агенттігінің Атырау облысы бойынша департаменті басшысының орынбасары Адиева Асель Жанибекқызы марапатталды;
«Ерен еңбегі үшін» медалімен Халықаралық ынтымақтастық басқармасының басшысы Баймаканова Аида Турағұлқызы марапатталды.

Агенттік ұжымы марапат иелерін құттықтап, кәсіби қызметтеріне табыс тілейді.

• 18.05.2026
• 8