Қвла әкімі Ғабит Сыздықбеков қаланы аралау барысында «Теріскей» шағынауданында орналасқан №46 мектеп-лицей ғимаратының күрделі жөндеу барысымен танысты

Білім беру мекемесінде ішкі әрлеу жұмысы жүргізілуде, сондай-ақ қасбеті мен шатыры ауыстырылуда. Мердігер ұйымға құрылыс қарқынын жеделдетуді тапсырылды.

Сонымен қатар 30 отбасыға жаңа пәтер кілтін табыстау рәсіміне қатысты. Көпқабатты тұрғын үйлер Бозарық шағынауданында орналасқан. Пәтерлер «Отбасы банк» АҚ-ның «2-10-20» және «5-10-20» бағдарламаларына қатысып, төлем қабілеттілігін растаған және белгіленген талаптарға сай келген азаматтарға берілді.

Жаңа қоныс иелерін құттықтай отырып, тұрғын үйлерді сапалы күтіп-ұстау, уақтылы жөндеу жұмыстарын жүргізу және ортақ мүлікті сақтау үшін тұрғындар міндетті түрде мүлік иелерінің бірлестігін (МИБ) құруы қажет екенін атап өтілді. Бұл үйлерді басқарудың тиімді жүйесін қалыптастырып, тұрғындардың жауапкершілігін арттыруға және қолайлы өмір сүру жағдайын қамтамасыз етуге мүмкіндік береді.

Әрі қарай Абай ауданында К. Қасымұлы атындағы №82 жалпы білім беретін мектепте салынып жатқан қосымша 450 орындық ғимараттың құрылысымен танысты. Құрылыс басқармасына атқарылып жатқан жұмыстардың сапасына бақылауды күшейтіп, нысанды жаңа оқу жылының басына дейін уақытылы аяқтауды қамтамасыз ету тапсырылды.

• 01.06.2026
• 5