АГЕНТТІК ӨКІЛІ JOINT VIENNA INSTITUTE ҰЙЫМЫНДА ЭКОНОМИКАЛАРДЫҢ БӘСЕКЕГЕ ҚАБІЛЕТТІЛІГІ МӘСЕЛЕЛЕРІ БОЙЫНША ОҚУДАН ӨТТІ

Қазақстан Республикасы Бәсекелестікті қорғау және дамыту агенттігінің Әлеуметтік сала департаментінің бас консультанты Айнұр Ахметова Joint Vienna Institute ұйымдастырған «Competitiveness, Growth and Crisis» атты оқу курсына қатысып, Вена қаласында (Австрия Республикасы) өткен бағдарлама аясында білімін жетілдірді.

Бағдарлама барысында экономикалық өсім мен ұлттық экономикалардың бәсекеге қабілеттілігінің негізгі факторлары, сыртқы күйзелістерге төзімділік мәселелері, сондай-ақ жаһандық экономикалық сын-қатерлер мен дағдарыстар жағдайында мемлекеттік экономикалық саясатты қалыптастырудың заманауи тәсілдері қарастырылды.

Сонымен қатар бәсекеге қабілеттілік көрсеткіштерін талдауға, құрылымдық реформалар мәселелеріне және экономикалардың тұрақтылығы мен тиімділігін арттыруға бағытталған мемлекеттік саясат құралдарына ерекше назар аударылды.

Бағдарламаға қатысу Еуропа, Кавказ және Орталық Азия елдерінің мемлекеттік органдары мен халықаралық институттарының өкілдерімен тәжірибе және үздік практикалар алмасуға мүмкіндік берді.

Алынған білім мен практикалық тәжірибе бәсекелестік ортаны дамыту және экономикалық саясатты жетілдіру жөніндегі міндеттерді іске асыру барысында Агенттіктің алдағы жұмысында пайдаланылатын болады.

• 04.06.2026
• 9