МОНОПОЛИЯҒА ҚАРСЫ ОРГАНДАРДЫҢ ЕАЭО АЯСЫНДАҒЫ ЫНТЫМАҚТАСТЫҒЫ КЕҢЕЙТІЛЕДІ

Бәсекелестікті қорғау және дамыту агенттігінің Төрағасы Марат Омаров Еуразиялық экономикалық комиссия Алқасының мүшесі – бәсекелестік және монополияға қарсы реттеу министрі Максим Ермоловичпен жұмыс кездесуін өткізді.

Кездесу барысында тараптар ЕАЭО-ға мүше мемлекеттермен бәсекелестік саласындағы Еуразиялық экономикалық комиссия-мен өзара іс-қимылдың негізгі мәселелерін талқылады.

Диалог барысында Еуразиялық экономикалық комиссияның ЕАЭО-ға мүше мемлекеттердің нарық қатысушыларымен «жұмсақ құқық» шеңберіндегі өзара іс-қимылы бойынша ағымдағы жұмысы қаралды. Сондай-ақ трансшекаралық нарықтарда Комиссия қызметі туралы хабардарлықты арттыру және ЕАЭО ортақ нарығындағы сауда жүргізу қағидаларын түсіндіру мәселелері талқыланды.

Сонымен қатар, кездесу барысында өзара іс-қимыл форматтарын кеңейту мүмкіндіктері, оның ішінде ЕАЭО-ға мүше мемлекеттердің монополияға қарсы органдарының өңірлік бөлімшелерін Еуразиялық экономикалық комиссия алаңында өтетін білім беру іс-шараларына тарту мәселелері қарастырылды.

Өз кезегінде М.Омаров Қазақстан аумағында Экономикалық ынтымақтастық және даму ұйымы, БҰҰ Сауда және даму жөніндегі конференциясы, Еуропалық одақ және басқа да халықаралық ұйымдардың қатысуымен бірқатар іс-шаралар өткізу бастамасын қолдады.

Сондай-ақ Еуразиялық экономикалық комиссия мен БҚДА жұмысына жасанды интеллект технологияларын енгізу мәселелері талқыланды. Кездесуге қатысушылар бұл технологиялар үлкен деректер негізінде нарықты терең талдауға және монополияға қарсы реттеудің тиімділігін арттыруға мүмкіндік беретініне сенім білдірді.

• 04.06.2026
• 12