ЕАЭО бөлінген энергетикасы: шағын желілерді дамыту перспективалары

Бүгінде Еуразиялық экономикалық одақ шеңберінде «ЕАЭО мүше мемлекеттердегі өнеркәсіп және бөлінген энергетика объектілері жұмысының тиімділігі мен сенімділігін арттыру» мемлекетаралық бағдарламасының жобасы қарастырылуда.

Бөлінген энергетика дегеніміз не және оның ЕАЭО елдері үшін артықшылықтары қандай?

Бөлінген энергетика немесе шағын желілер (mini-grids) – бұл шағын қосалқы станциялар, электр энергиясын тұтыну орнына тікелей жақын жерде өндіруге қабілетті жаңартылатын энергия көздерінің объектілері.

Шағын желілердің маңызды ерекшелігі-тәуелсіз жұмыс істеу мүмкіндігі, оның ішінде орталықтандырылған электрмен жабдықтау жүйелерін пайдалану жиі қиын болатын шалғай аймақтарда.

Баламалы энергетиканың бұл түрі үлкен аумақтарды қамтуға мүмкіндік береді, бұл айтарлықтай аумақтық алаңы бар мемлекеттер үшін ең өзекті болып табылады.

Бүгінгі таңда ЕАЭО елдері энергияның дәстүрлі көздері есебінен энергия ресурстарына деген өз қажеттілігін барынша қамтамасыз етуде. Бөлінген энергетика объектілерін пайдалану зиянсыз және баламалы энергия көздерін пайдаланудың халықаралық трендіне сәйкес келеді.

ЕАЭО елдеріндегі орталық проблемалардың бірі «жасыл» энергетика өндірісі бойынша отандық инновациялық технологиялардың тапшылығы болып қалуда. Мемлекетаралық бағдарламаның жобасы ЕАЭО мемлекеттерінің технологиялық кешенін дамытуды жеделдету және энергетикалық машина жасаудың бәсекеге қабілеттілігін арттыру мақсатын қойып отыр. Жобаны Еуразиялық үкіметаралық кеңес 2022 жылдың екінші жартыжылдығында қабылдауы жоспарлануда.

Қазақстанда жаңартылатын энергия көздерін дамыту елдің энергетикалық кешенін дамытудың басым бағыттарының бірі болып табылады. Сарапшылардың пікірінше, электр энергиясын өндірудің жалпы көлеміндегі жаңартылатын энергия көздерінің үлесі 2025 жылға қарай
6% қол жеткізіледі.

Қазақстан үшін Бағдарламаға қатысу энергия жинақтау мен энергия өндірудің жаңа бәсекеге қабілетті технологиялары өндірісін дамытуға түрткі болады.

ЕАЭО-ның мемлекетаралық бағдарламасын әзірлеу жөніндегі мемлекеттердің үйлестірілген жұмысы ЕАЭО елдерінің стратегиялық мақсаттарына қол жеткізуде, атап айтқанда, ЕАЭО елдерінің энергетикалық қауіпсіздігін қамтамасыз етуде және энергетикалық машина жасау өнімдерінің әлемдік нарықтардағы бәсекеге қабілеттілігін арттыруда байланыстырушы буын болуға тиіс.

• 02.04.2021
• 231