Елорданы дамытуда әлеуметтік инфрақұрылымды қалыптастыруға ерекше көңіл бөлеміз.

Жеңілдікпен берілетін тұрғын үйлер, мектептер/балабақшалар, оңалту орталықтарын салып қана қоймай, сонымен бірге спорттық ғимараттар, бос уақытты өткізуге арналған орталықтар салу маңызды. Балалар үшін Мемлекет басшысының тапсырмасына сәйкес спорт кластерлерін саламыз: қоғамдық кеңістіктерді (саябақтар, бульварлар) абаттандырамыз, аула клубтарын, спорт нысандарын ашамыз.
Балаларымыздың кестесіне қарасаңыз, олар күніне бірнеше жерге барады: мектептен үйге, үйірмелер мен қосымша сабақтарға, кинотеатрларға/театрларға және т.б. орындарға. Ата-ана баланың жолына беретін соманы есептесек, айтарлықтай қаражат шығады.
✅ 2020 жылдың ақпан айында барлық тасымалдаушылармен келіссөздер жүргіздік. 2020 жылғы 28 наурыздан бастап мектеп оқушылары, яғни кәмелетке толмағандар қоғамдық көлікті тегін қолданады деген шешімге келдік. Жалғыз шарт - автобусқа кірген кезде арнайы картамен валидацияны жалғастыру, өйткені валидация жолаушылар санын көруге және басым бағыттарды анықтауға мүмкіндік береді.
Кәмелетке толмағандар үшін тегін жол жүру енгізілген сәттен бері бір жыл өтті. Осы уақыт ішінде балалар 7 миллион 600 мың сапар жасады.
Пандемияға байланысты биылғы жыл оңай болмағаны түсінікті. Пандемия аяқталған соң да, елорда оқушылары қоғамдық көлікті тегін пайдалана бермек. Бұл жоба өзінің әлеуметтік маңыздылығы мен қажеттілігін көрсетті.

• 02.04.2021
• 265