Қала әкімі Ғабит Сыздықбеков Қазақстан Республикасындағы Түркия Республикасының Төтенше және Өкілетті Елшісі Мұстафа Капуджумен кездесті.

 Кездесу барысында Қазақстан мен Түркия арасындағы өңіраралық ынтымақтастықты одан әрі дамыту перспективаларын талқыланды.

Екі ел арасындағы өзара сенімге, сындарлы диалогқа және ортақ тарихи-мәдени құндылықтарға негізделген әріптестік байланыстардың қарқынды нығайып келе жатқанын атап өтілді. Сауда-экономикалық ынтымақтастықты кеңейту, инвестиция тарту және бірлескен жобаларды жүзеге асыру мәселелеріне ерекше назар аударылды.

Мұстафа Капуджуға Шымкент қаласының инвестициялық әлеуеті мен өңірде қолайлы инвестициялық ахуал қалыптастыру бағытында атқарылып жатқан жұмыстар туралы баяндалды. Сонымен қатар Шымкент қаласы мен Түркияның Балыкесир, Измир, Эскишехир және Адана қалалары арасында бауырлас қалалар байланысы орнатылғанын жеткізді.

• 13.07.2026
• 6