Қала әкімі Габит Сыздықбеков Франция Республикасының Қазақстандағы Төтенше және Өкілетті Елшісі Сильван Гиогемен кездестім. Кездесу барысында екіжақты ынтымақтастықты одан әрі дамыту мәселелерін талқыланды.

Франция – Қазақстанның Еуропадағы негізгі стратегиялық серіктестерінің бірі. Сондықтан Шымкент үшін француз серіктестерімен өзара ықпалдастықты нығайтудың маңызы зор. Өткен жылы Шымкентте Францияның Құрметті консулдығының ашылуы және ынтымақтастық жөніндегі Жол картасына қол қойылуы бірлескен жұмыстың жаңа кезеңіне жол ашқанын атап өттім.

Бүгінде құжатта көзделген бастамалар кезең-кезеңімен жүзеге асырылып келеді. Соның бір дәлелі ретінде халықаралық «Франкофония көктемі» фестивалі аясында қаламызда өткен «Париждегі Нотр-Дам соборының қайта жаңғыруы» көрмесін атауға болады. Көрме тұрғындар тарапынан жоғары қызығушылыққа ие болды.

Сонымен қатар Шымкентте виза орталығын ашу мәселесін қарастырылды. Бұл жоба іске асқан жағдайда визалық қызметтер қала тұрғындары үшін қолжетімді болады. Сондай-ақ іскерлік, білім беру, туризм және мәдени байланыстарды дамытуға қосымша мүмкіндік береді. Ортақ жоспарларды жүзеге асыруға жан-жақты қолдау көрсетуге дайын екенімді жеткізді.

• 20.07.2026
• 5