Биологиялық қауіпсіздік жөніндегі Қазақстан-Қытай зертханасы ҚР-да аккредиттелді

Бұл зертхана жұмысының жоғары деңгейін және оның халықаралық стандарттарға сәйкестігін білдіреді.

Сәйкестік сертификатын немесе қауіпсіздікті растайтын басқа құжатты алу үшін кәсіпкерлер өз өнімдеріне тиісті зертханалар жүргізетін сынақтарды өткізуі керек. Осындай зертханалардың бірі жақында ғана "Сынақ және калибрлеу зертханаларының құзыреттілігіне қойылатын жалпы талаптар" МЕМСТ ISO/IEC 17025-2019 стандартының талаптарына сәйкес аккредиттеу рәсімінен өтті.

Бүгін, 2021 жылғы 5 сәуірде сауда және интеграция Министрі Бақыт Сұлтанов сауда және интеграция министрлігінің жанындағы Ұлттық акредиттеу орталығы өткізген осы зертхананы аккредиттеу аттестатын тапсырды, сондай-ақ оның қызметімен танысты.

Зертхана Қазахстан Республикасы Ауыл шаруашылығы министрілігінің С.Сейфуллин атындағы Қазақ агротехникалық университетінің базасында жұмыс істейді.

Жануарлардың жұқпалы ауруларын зерттеу және диагностикалау мақсатында құрылған зертхана қажетті жабдықтармен жабдықталған және BSL-2 қауіпсіздік стандарты негізінде жұмыс істейді.

Қазіргі уақытта мұнда белсенді ғылыми жұмыс жүргізілуде, оны дамыту үшін өз Отанында қытайлық әріптестер 1 миллион долларға грант жеңіп алды және бұл зертхана "Бір белдеу, бір жол" зертханаларының тізіміне енгізілді. Сонымен қатар, зертхананың болашағы зор, Ұлттық акредиттеу орталығы мамандарының айтуынша, Қытайда да осындай аккредиттеу алу, яғни қазақстандық өнімге деген сенімді арттыру болып табылады. Техникалык реттеу және метрология комитеті атап өткендей, бүгінде Қытай стандарттары әлемдегі ең жоғары стандарттардың бірі болып саналады.

Сонымен қатар, зертхана болашақта инфекциялық ауруларды (жануарлардың барлық түрлеріне ортақ аурулар, ірі-қара малдар, құстар, қойлар, шошқалар, аралар аурулары) полимеразалық тізбекті реакция  (ПТР) және серологиялық диагностикалау (ИФТ) бойынша тағы 2 қызмет көрсету үшін аккредиттеу саласын кеңейтуді жоспарлап отыр.

Сондай-ақ, аграрлық университетте 2021 және 2022 жылдары аккредиттеуге тағы екі зертхана (мал азығы мен сүтті зоотехникалық талдау және азық-түлік қауіпсіздігі (АҚЗ)) дайындалуда, оларды ақпараттық және техникалық қолдау мал шаруашылығы өнімдерінің тиімді өндірісін құру кезінде маңызды.

Азық-түлік қауіпсіздігі зертханасы мал және өсімдік тектес тамақ өнімдері мен шикізаттарының (ет және ет өнімдері, сүт және сүт өнімдері, балық шаруашылығы, омарта шаруашылығы, Өсімдік шаруашылығы және мал шаруашылығы шикізаты өнімдері) сапасы мен қауіпсіздігін бағалаумен; сүт және басқа да өнімдердің сапасын зерттеу бойынша зерттеулермен; сот ветеринариялық сараптамасымен (жануарларды сатып алу-сатуға, жануарлардың аурулары мен өліміне, жалғандыққа, браконьерлікке және т.б. қатысты даулы мәселелерді сараптау) айналысатын болады.

Осыған байланысты, бүгін зертханаға, ауыл шаруашылығы жануарлары мен құстарға арналған органикалық жемшөп қоспаларын, сондай-ақ құрғақ бие сүтін және т. б. өндірумен айналысатын қазақстандық кәсіпкерлер де шақырылды.

Егер бұрын олар мұндай зерттеулерді Ресей, Украина, Еуропалық Одақ және басқа елдердің зертханаларында өткізуге жиі тапсырыс берсе, ал қазір  зертханалардың осы түрінің елімізде пайда болуымен өздерінің шығындарын едәуір төмендетеді.

Зертхана отандық тауарлардың экспортын жүзеге асыруға кедергі келтіретін өзара техникалық кедергілерді жою мақсатында қазақстан-қытай үкіметаралық уағдаластықтары шеңберінде құрылды.

Университетпен және Ауыл шаруашылығы министрлігімен  бірлесіп ғылыми базисті дамытуды жалғастыруды және сол арқылы өз өнімінің бәсекеге қабілеттілігін арттыруды жоспарлап отырмыз.

• 07.04.2021
• 246