Қарағанды облысының ТЖД жаңартылған ғимаратқа орналасады

Қарағанды облысына жұмыс сапары барысында Төтенше жағдайлар министрі Мұрат Муханов облыстық Төтенше жағдайлар департаментінің балансына берілетін ғимаратты жаңғырту жұмыстарының барысымен танысты.

  1981 жылы салынған ғимарат алғаш рет кешенді түрде жаңғыртудан өтуде. Жұмыстар аяқталғаннан кейін мұнда ТЖД-ның негізгі бөлімшелері мен Күштерді жедел басқару орталығы орналасады. Азаматтарды қабылдау үшін фронт-офис ашу көзделген. Мұнда келушілер азаматтық қорғау органдарының құзыретіне кіретін мәселелер бойынша жүгіне алады.

  Қазіргі уақытта ғимараттың ішкі бөлмелері, инженерлік коммуникациялары мен ішкі жүйелері жаңартылуда. Ғимаратты Департаменттің балансына беру бөлімшелерді біртұтас кешенге орналастыруға, Күштерді жедел басқару орталығының жұмысын ұйымдастыруға және халықпен өзара іс-қимыл жасауға қолайлы жағдайлар жасауға мүмкіндік береді.

  Мұрат Муханов жүргізіліп жатқан жұмыстардың қазіргі кезеңімен және нысанды одан әрі абаттандыру жоспарларымен танысты. Сапар қорытындысы бойынша ТЖД басшылығына жаңғырту жұмыстарының сапасын қамтамасыз ету және белгіленген мерзімдердің сақталуын бақылау тапсырылды. Бұл ретте бөлімшелерді кейіннен орналастыру және келушілерге арналған фронт-офистің жұмысын ұйымдастыру ескерілетін болады.

• 21.09.2026
• 7