ТЖМ басшысы «Karaganda Komir» ЖШС-нің өнеркәсіптік қауіпсіздік жүйелерімен танысты

  Қарағанды облысына жұмыс сапары барысында Төтенше жағдайлар министрі Мұрат Мұханов «Karaganda Komir» ЖШС көмір департаментіне барды. ТЖМ басшысы өндірісті басқаруды ұйымдастырумен және көмір өндіретін кәсіпорындарда өнеркәсіптік қауіпсіздікті қамтамасыз ету үшін қолданылатын техникалық шешімдермен танысты.

  Министрге жерасты қазбаларындағы персоналды позициялау және іздеу жүйелері таныстырылды. Олар жұмысшылардың нақты уақыт режиміндегі орналасқан жерін бақылауға мүмкіндік береді. Мұрат Мұханов жерасты радиобайланысының, аэрогаздық бақылау және өндірістік процестерді автоматтандырылған диспетчерлік басқару жүйелерінің жұмысымен танысты.

  Конвейерлік таспаларды өрттен қорғау жүйелеріне және шахталардың жай-күйіне тәулік бойы мониторинг жүргізілетін диспетчерлік-талдау орталығының жұмысына ерекше назар аударылды. Штаттан тыс жағдай туындаған кезде келіп түсетін ақпарат ахуалды жедел бағалау және одан арғы іс-қимылды үйлестіру үшін пайдаланылады.

  Сапар соңында өнеркәсіптік қауіпсіздікті одан әрі жетілдіру, бақылау жүйелерін жаңғырту және өндірістік тәуекелдерді төмендету үшін цифрлық шешімдерді қолдану мәселелері қаралды. Мұрат Мұханов жерасты тау-кен жұмыстарындағы қауіпсіздікті тұрақты бақылау және ден қою жүйелерінің дайындығын қамтамасыз етудің басымдығын атап өтті.

• 21.09.2026
• 7