Алматыда №3 мамандандырылған өрт сөндіру бөлімі жаңартылды

  Төтенше жағдайлар министрі Мұрат Мұханов жаңғырту жұмыстары аяқталғаннан Алматы қаласының Алатау ауданындағы №3 мамандандырылған өрт сөндіру бөліміне кейін барды. Бөлімде қызметтік және тұрмыстық бөлмелер жаңартылып, жеке құрамның күнделікті қызмет атқаруы мен демалуына қажетті жағдайлар жасалды.

  Ғимараттағы қызметтік кабинеттер, жатын бөлмелер, демалыс бөлмесі, тамақтану бөлмесі, фойе, спорт зал, гараж боксы, баспалдақ және қасбет жөнделді. Кезекшіліктен кейін қызметкерлердің демалып, күшін қалпына келтіруіне арналған психологиялық жеңілдеу бөлмесі жаңартылды. Қызметкерлердің балалары үшін жеке балалар бөлмесі жабдықталды. Сапар барысында балаларға естелік сыйлықтар табысталды.

  №3 мамандандырылған өрт сөндіру бөлімі Көкжиек, Новый, Болашақ, Қарасу шағын аудандары мен әскери қалашықтың өрт қауіпсіздігін қамтамасыз етеді. Бөлімнің жауапкершілік аймағында шамамен 40 мың адам тұрады және 2 366 кәсіпкерлік субъектісі орналасқан. Өрт сөндіру депосы алты шығу бағытына және 10 автокөлікке арналған орынға есептелген.

  Ерекше көзге түскен қызметкерлерге ТЖМ Алғыс хаттары табысталды. Іс-шара соңында министр бөлім қызметкерлерімен бірге альпі төбешіктері орналасқан өрт сөндіру бөлімінің аумағына ағаш отырғызды.

• 08.10.2026
• 5