Ерлан Жайлаубай "Қорғас" ШЫХО Басқарма төрағасының м.а. болып сайланды

"Қорғас" шекара маңы ынтымақтастығы халықаралық орталығы" арнайы экономикалық аймағының Басқарушы компаниясы" АҚ ("Қорғас" ШЫХО) Директорлар кеңесінің хаттамалық шешімімен Жайлаубай Ерлан Дүйсенбекұлы Басқарма төрағасының міндетін атқарушы болып сайланды.

Сонымен қатар, "Қорғас" ШЫХО Директорлар кеңесінің бұл шешімі арнайы экономикалық аймақтар туралы заңнаманың талаптарына сәйкес конкурстық іріктеудің қорытындылары шығарылғанға дейін қолданылады.

Ерлан Жайлаубай - Алматы қаласының тумасы, 1984 жылы туған.

Еңбек жолын 2005 жылы "САПА консалтинг" ЖШС-де (Алматы қ.) бастады.

"Проктер энд Гэмбл Қазақстан" ЖШС-де (2006 ж.), "Бәйтерек" ұлттық басқарушы холдингі" АҚ-да (2015-2016 ж.) жұмыс тәжірибесі бар.

2009-2015 жылдары Қазақстан Республикасы Президентінің Әкімшілігінде жұмыс істеді. Бірнеше жыл бойы ол сыртқы саясат орталығындағы секторлардың бірін басқарды.

Сондай-ақ Алматы қаласы әкімі аппараты басшысының орынбасары (2016 жыл) болды және Алматы қаласының Туризм және сыртқы байланыстар басқармасын басқарды (2016-2018 ж.ж.).

2018 жылдың тамыз айынан бастап Ерлан Жайлаубай "Aqqu Development" ЖШС директоры болып тағайындалды.

Жоғары экономикалық білімі бар.

Т.Рысқұлов атындағы Қазақ экономикалық университетін (2005 ж.) және Монтерей халықаралық зерттеулер институтын (2008 ж.) бітірген.

Халықаралық менеджментте мемлекеттік басқару магистрі дәрежесі бар.

• 19.04.2021
• 214