1 млн 419 мың қазақстандық азамат «оңалтылды» деген мәртебе алды

Құрметті қазақстандықтар!

Республикада ҚР Қаржы нарығын реттеу және дамыту агенттігі енгізген қарыз алушыларды оңалтудың жаңа тетігі жұмыс істей бастады.  Бүгінгі күні кредиттер бойынша «оңалтылды» деген мәртебені автоматты түрде 1 млн 419 мың азамат алды.

Азаматтардың кейбір санатының теріс кредиттік тарихы бар, яғни олардың қарыздар бойынша төлем мерзімі 90 күннен астам кешіктірілген. Бұл ақпарат кредиттік бюро жүйесінде көрсетіледі. Мұндай азаматтар банктерде және МҚҰ-да жаңа қарыздар алу кезінде қиындықтарға ұшырауы мүмкін.

Қаржылық көрсетілетін қызметтерге қолжетімділікті қалпына келтіру мақсатында Агенттік оңалту тетігін енгізді, ол қарыз алушыға кредиттік бюро жүйесінде «оңалтылды» деген мәртебені беруді көздейді және азаматтың банктер және басқа кредиторлар алдында өз міндеттемелерін адал орындауының растауы болып табылады.

Мәртебені алу үшін қандай да бір құжаттар талап етілмейді, рәсімді кредиттік бюро мерзімі өткен борышты өтегеннен кейін 12 ай өткен соң және осы кезеңде өзге де мерзімі өткен берешек болмаған кезде жүргізеді.

Егер қарыз алушының мерзімі өткен берешегі толығымен емес, ішінара өтелсе, банктер оңалту жоспарын барынша ыңғайлы өтеу кестесімен кейіннен жасау үшін әрбір осындай қарыз алушымен оның төлем жасау қабілеттілігін бағалау бойынша жеке жұмыс жүргізеді.

Тиісінше, мұндай қарыз алушылардың «оңалту» мәртебесін алуы оңалту жоспарын орындаған кезде және соңғы 12 айда өзге де мерзімі өткен берешек болмаған кезде мүмкін болады.

Кредиттік тарихты қалай білуге болады?

Кредиттік тарихты алу үшін «Мемлекеттік кредиттік бюроға» (mkb.kz) немесе «Бірінші кредиттік бюроға» (1cb.kz). өтініш жасауға болады. Жеке басының куәлігін немесе заңды тұлғаға құжаттарды ұсыну қажет, сондай-ақ ЭЦҚ көмегімен қызметті алуға болады.

• Egov.kz порталы

«Салықтар мен қаржы» бөлімінде өтінімді толтырып, ЭЦҚ көмегімен қол қою және нәтижесін «Жеке кабинеттен» көру қажет.

• ҚҚО-да

Кредиттік есепті бүкіл Қазақстан бойынша ҚҚО-ның барлық бөлімшесінде алуға болады, ол үшін жеке куәлік талап етіледі.

• «Казпочтада»

Дербес кредиттік есепті бүкіл Қазақстан бойынша «Қазпоштаның» 1688 бөлімшесінде жеке куәлікті ұсына отырып алуға болады. Бірінші жылы алғаш рет өтініш жасаған кезде «Қазпоштаның» комиссиясын ғана төлеу қажет болады.

• 20.04.2021
• 423