2021 жылғы бірінші тоқсандағы қаржылық қызметтерді тұтынушылардың құқықтарын қорғау шаралары туралы

Құрметті қазақстандықтар!

2021 жылғы 1-тоқсанда қаржы реттеушісі жеке және заңды тұлғалардың қаржы ұйымдарының, микроқаржылық қызметті жүзеге асыратын ұйымдардың, сондай-ақ коллекторлық агенттіктердің қызметімен байланысты 5102 өтінішін қарады.

Өтініштердің көп бөлігі, өтініштердің жалпы санының 67%-ы банк секторына тиесілі.

Реттеушінің бастамасымен жүргізілген тексерулер нәтижесінде 2021 жылғы 1-тоқсанда:

• 31 қадағалап ден қоюдың ұсынымдық шарасы
• 10 жазбаша ұйғарым
• жалпы сомасы 6,94 млн тг құрайтын 28 әкімшілік жаза қолданылды.

Берешекті қайта құрылымдау және қайта қаржыландыру банк секторындағы өзекті мәселелер болып қалады береді. Бұл бағытта Ипотекалық қарыздарды қайта қаржыландыру бағдарламасы шеңберінде ипотекалық қарыздарды қайта қаржыландыру да қаралатындығын атап өткен жөн. Сонымен қатар азаматтар қаржы ұйымдарының басқа банктердегі шоттарда тұрған ақшаны акцептеусіз тәртіппен өндіріп алуына қатысты жүгінуде. Бұдан басқа, бірқатар тұтынушылар банк  секторы бойынша нормативтік құқықтық актілердің нормаларын түсіндіруге немесе банктік қарыз шартының талаптарын ҚР заңнамасының талаптарына сәйкестігі тұрғысынан тексеруге өтініш беруде.

Сақтандыру төлемін жүзеге асырмау – сақтандыру секторындағы ең сұранысқа ие мәселе, бұл ретте осы сектордағы өтініштердің пайызы ең төмен. Бұдан басқа, сақтандыру шарты талаптарының ҚР заңнамасының талаптарына сәйкес болуын тексеру туралы бірнеше өтініш келіп түсті. Микроқаржы секторында микрокредиттер бойынша сыйақы мөлшерлемесін төмендету және микроқаржы ұйымының қызметін тексеру мәселелері өзекті болып қала береді. Тұтынушылар көбінесе микроқаржылық қызметті жүзеге асыратын ұйымдардың қызметін реттейтін нормативтік құқықтық актілерді жеткілікті түсінбейді және түсініктеме алу үшін қаржы реттеушісіне жүгінеді. 

Қазіргі уақытта карантин режиміне байланысты және қауіпсіздікті қамтамасыз ету және Covid-19 таралуына жол бермеу мақсатында Агенттіктің Қаржылық қызметтерді тұтынушылардың құқықтарын қорғау департаменті аудиоконференция байланысы арқылы әр сейсенбі және жұма күндері сағат 10.00-ден 13.00-ге дейін азаматтарды қабылдайды.

Онлайн қабылдауға жазылу үшін Yermek.Utemisov@finreg.kz электрондық мекенжайына мына деректерді жіберу қажет: өтініш берушінің аты-жөні мен ЖСН-ы, қаржы ұйымының толық атауы, өтініштің қысқаша сипаты және міндетті түрде «қабылдауға жазылу» тақырыбын көрсету қажет.

Сонымен бірге қаржылық қызметтерді тұтынушылар ҚНРДА-ның Қаржылық қызметтерді тұтынушылардың құқықтарын қорғау департаментіне мына арналар арқылы жүгіне алады:

• А15С9Т5, Алматы қ., Көктем-3 шағын ауданы, 21-үй
• байланыс телефоны: +7 (727) 237-11-11
• Egov.kz электрондық үкімет порталы арқылы
• немесе info@finreg.kz e-mail бойынша

• 21.04.2021
• 269