Биыл аудандардағы жол жөндеу жұмыстары басты назарда болады.

Бүгін қалалық жолаушылар көлігі және автомобиль жолдары басқармасының үш айда атқарған жұмыс есебін тыңдадым. Бұл салада әлі де жұмысты ширата түсу керек. Әр күні таңертең қаланы аралаймын. Былтыр жасалған жол сапасында кемшіліктер жоқ емес. Жөндеу-жамау жұмыстарын жақсарту керек. Мердігерлер жұмысы сапасыз болса, өз қаржысына қайта жасайды. Осыны ұмытпаған жөн. 3-5 жыл кепілдемесі бар.

Анықталған кемшіліктерді қалпына келтіру бойынша мердігер мекемелерге ескерту хаттар жолданды. Ақаулар жойылмаған жағдайда, түзілген келісімшартқа сәйкес мердігер мекемелерге айыппұл салынады, тіпті сотқа талап-арыз беріледі. Жалпы конкурс өткізгенде кепіл мерзімін 3-5 жылға, керек болса, 10 жылға ұзартып жасауды қолға аламыз. Сонда ғана сапа ретке келмек.

Қоса кетсем, биыл аудандардағы жол жөндеу жұмыстары басты назарда болады. Сапасын бірге қадағалауға шақырамын.

• 26.04.2021
• 189