Бәйдібек би - Арғынбеков - Назарбеков - Астана қиылысында үш деңгейлі жолайрық салу жұмыстары жүргізілуде

Бүгін мен қаланың маңызды инфрақұрылымдық нысандарындағы жұмыс барысымен таныстым.

Бәйдібек би - Арғынбеков - Назарбеков - Астана қиылысында үш деңгейлі жолайрық салу жұмыстары жүргізілуде. Нақтылағым келген дүние - қаламыз өсіп келеді, онда жаңа шағын аудандар пайда болмақ. Сәйкесінше, көлік саны да артып келеді.

Мұндай қондырғылар жол қозғалысын айтарлықтай жеңілдетеді. Бұл біздің мегаполистің одан әрі өсуі үшін болашаққа бағытталған жобалар санатындағы нысан. Қозғалыс жабылғанға дейін жасыл желектер мен инженерлік коммуникациялар мәселесін шешу қажет. Сонымен қатар, желтоқсан айына дейін Арғынбеков көшесі бойынша жер жұмыстары мен тірек қабырғаларының құрылысын жүргізу жоспарланған.

Жасыл желектерді ағаштардың тамыр жүйесіне зақым келтірмеу үшін мүмкіндігінше мұқият ауыстыру тапсырылды. Себебі біз оларды жаңа жерлерге отырғызатын боламыз.
Қонаев даңғылы мен Рысқұлов көшесінің қиылысында жолайрық құрылысы кестеге сәйкес жүргізілуде. Соған қарамастан, құрылыс тезірек аяқталып, көлік қозғалысы ашылуы үшін кейбір нысандарды бұзу туралы мәселені шешу қажет.

«Оңтүстік» айналма жолының құрылысы Ташкент жағынан қалаға кіре берістегі трафикті айтарлықтай жеңілдетеді. Ал Түркістанға транзитпен сапар шегетін қонақтар қалаға кірмей-ақ осы маршрут бойынша жүре алады.
Қонаев даңғылының III кезеңінің құрылысы кестеге сәйкес жүргізілуде. Жер учаскелерін алу жұмыстарын жеделдету маңызды. Қазір тыйым салынатын 42 нысанның 16-сы бойынша мәселе шешілуде.

• 26.04.2021
• 258