Биыл Шымкентте рекордтық түрде 1 миллион шаршы метр тұрғын үй салынуы тиіс

Еске сала кетейін, қатаң карантин кезінде де Шымкенттегі құрылыс саласы тоқтаған жоқ. Бұл жылы көп қабатты тұрғын үйлер Асар, Тұран, ӘІО, Астана, Шымкент сити шағын аудандарында салынуда. Барлығы-204 үй (13 483 пәтер).

Шымкентке келген Қазақстан Республикасы Индустрия және инфрақұрылымдық даму министрлігі Құрылыс және тұрғын үй-коммуналдық шаруашылық істері комитетінің өкілдері құрылыс барысымен танысты. Комитет мамандарының пікірінше, жалпы Шымкентте жақсы жұмыс жүргізілуде. Ал жұмыстардың сапасын енді тапсырыс берушілер, авторлық және техникалық қадағалаушылар ғана емес, сонымен қатар e-kurylys жүйесі де бақылайтын болады. Ол үшін пилоттық жоба шеңберінде кейбір нысандарда бейнекамералар орнатылады, олар тәулік бойы онлайн режимде құрылыс комитетіне видео тарататын болады.

• 26.04.2021
• 243