Тұран шағын ауданындағы 1200 орындық мектеп шілдеде аяқталады

Ол уақытқа дейін мәселе туындамау үшін егжей-тегжейлі жұмыстар жүргізілуі керек.

Алдымен, мектепке барар жолды аяқтау. Бұл жөнінде транспорт және жол басқармасына тапсырма бердім.

Екіншіден, қазірден педагог іріктеуді қолға алмасақ, қыркүйекте ұстаз тапшылығы орын алуы мүмкін. Сондықтан білім басқармасына қазірден бастап жоғары білікті педагогтарды жасақтауды жүктедім.

Тағы бір тапсырма - басқармалардың өзара іс-қимылын күшейту, өйткені барлық міндеттер уақтылы шешілуі тиіс. Қаланың барлық мектептері енді бірыңғай жоба бойынша жабдықталып, рәсімделетіндіктен, ертең ештеңені қайта жасаудың қажеті болмас үшін керекті түзетулерді дер кезінде енгізу маңызды.

Ескеретін маңызды нәрсе - қауіпсіздік пен жайлылық. Сондықтан автобустар балаларды тікелей мектепке апаруы үшін қоғамдық көліктердің сызбаларын өзгертуді тапсырдым.

• 26.04.2021
• 185