Сіздің денсаулығыңыз өз қолыңызда!

Сәлеметсіздер ме, құрметті отандастар, Шымкент қаласының тұрғындары!
 
Бір жылдан астам уақыт бойы бүкіл әлем өзгеше өмір сүріп жатыр, пандемия жағдайында барлық елдің азаматтары әдеттегі өмірлеріне оралғысы келеді, бетперделік режимді ұмытып,көптен бері көрмеген туыстары мен жолдастарына қонаққа барып, жұқпалы індеттен қорықпай жүргілері келеді. Осының бәріне кедергі болған карантиннен құтылудың жолы – вакцинация.
 
Елімізде бірінші ақпаннан бастап жаппай екпе егу кампаниясы бастау алды. Сол күннен бері 800 мыңнан астам отандастарымыз екпе салдыртты.
Сондай-ақ Шымкент қаласында қазірдің өзінде 80 мыңнан астам адам вакцинациядан өтті.
Екпе салуға қарсы көрсеткіштерді айтатын болсақ: азаматтың 18 жасқа толмауы, жүктілік, бала емізу кезеңі, вакцинация кезінде инфекциялық аурулардың болуы, созылмалы аурулардың өршуі, сонымен қатар вакцина компоненттеріне жеке төзімсіздікті айтамыз.
Ал созылмалы респираторлық және жүрек-қан тамырлары аурулары, қан диабеті бар адамдар үшін вакцинация өте маңызды.
Қазіргі таңда бұл індетке шалдыққан адамдардың саны күннен күнге өсіп жатыр. Егер сіз өзіңізден вирустық инфекцияның белгілерін байқасаңыз, (дене қызуы, әлсіздік, ентігу, иіс не дәм сезбеу және т.б) дереу дәрігерге хабарласыңыз, өз-өзіңізді емдеумен айналыспаңыз! Дәрігердің көмегіне жүгініп, емдеуді жедел бастап кетсеңіз, тез жазылып шығасыз.
Вакцинация - әрқайсымыздың ерікті таңдауымыз. Бірақ менің ойымша, вакцинация - азаматтық парызымыз. Бұл сізді ғана емес, жақындарыңызды да қорғайтын қадам.
Сіздің денсаулығыңыз өз қолыңызда!

• 26.04.2021
• 184