Арал теңізінің құрғаған табанында сексеуіл отырғызу көлемі артады

Қызылорда облысына жұмыс сапары аясында Аралдың құрғаған ұлтанында сексеуіл отырғызу жұмыс барысын көріп қайттым.Теңіз табанының тұзы мен құмды тұрақтандырудың экологиялық тиімді және қауіпсіз жолы байырғы өсімдіктер егу. Сондықтан 2008ж.бері 195 мың га аса жергесексеуіл егілген. Аралдағы экологиялық апат аймағы Президент Қасым-Жомарт Тоқаевтың ерекше бақылауында. Теңіз табанындағы құрғаған жерлерді ормандандыру үшін Мемлекет басшысының 2 млрд ағаш отырғызу тапсырмасы аясында біз 2025 жылға дейін 213 мың гектар аумаққа сексеуіл егуді көздейміз. Алайда, бұл жеткіліксіз деп санаймыз.Сондықтан Арал табанында сексеуіл отырғызудың арнайы бағдарламасын қабылдауға ұсыныс жасап отырмыз.Көршілес Өзбекстан мемлекетімен де осы жұмыс аясында тәжірибе алмасу шаралары жалғасады. Ғалымдармен бірлескен экспедиция да ұйымдастырылады. Фитоорманмелиорациялық жұмыстармен танысып, 1 мың гектарға 1,8 млн көшет отырғызылғанын көрдік. Күзде сексеуіл отырғызу жұмыстары одан әрі жалғасады. Бұл бағыттағы жұмыс қарқынын арттырамыз

• 26.04.2021
• 319